सञ्चारजगत्को कारण लोकतन्त्र बलिको हुँदै गएको छः पूर्वप्रधानमन्त्री भट्टराई

पर्सा–पूर्वप्रधानमन्त्री एवं जनता समाजवादी पार्टी नेपालका वरिष्ठ नेता डा बाबुराम भट्टराईले सञ्चारजगतले खेलेको भूमिकाकै कारण समाजमा न्याय व्यवस्था कामय हुन मद्दत पुग्नुका साथै लोकतन्त्र बलिको हुँदै गएको बताएका छन् ।

पिसिमिया नेटर्वक प्रालिद्वारा वीरगञ्जमा सञ्चालित रहेको रेडियो सान्भी ९६.४ मेघाहर्ज र साझा डेली डडकमको उद्घाटन गर्दै उनले लोकतन्त्रको चौथो अंगका रूपमा रहेको सञ्चार क्षेत्रलाई स्वतन्त्र, निष्पक्ष र आर्थिकरूपमा सवल र आत्मनिर्भर बनाउन नसकिए लोकतन्त्र कमजोर हुने बताए ।

सञ्चार क्षेत्रमा लगानी गर्ने लगानीकर्ताले सञ्चारगृहमा काम गर्ने सञ्चारकर्मीलाई आर्थिकरूपमा बलियो बनाउनेतर्फ ध्यान दिन जरुरी रहेको बताउँदै उनले सञ्चार क्षेत्रलाई आर्थिकरूपमा सवल बनाउन सरकारले समेत पहलकदमी लिनुपर्नै सुझाव दिए ।

कोरोना महामारीको कठिन घडीमा सूचना प्रवाह गरी सम्बन्धित निकायलाई जिम्मेवार बनाउन नेपाली सञ्चारजगत्ले खेलेको भूमिकाको प्रशंसा गर्दै उनले महामारीको कठिन दौरमा सरकारलाई जिम्मेवार बनाउन सूचना सम्प्रेसन गरी सञ्चारमाध्यमले यर्थाततालाई जनतासमक्ष पुर्‍याएको बताए ।

कार्यक्रममा जनता समाजवादी पार्टी नेपालका कार्यकारी अध्यक्ष एवं पूर्वउपप्रधानमन्त्री उपेन्द्र यादवले सामाजिक न्याय, मौलिक अधिकार र मानवअधिकार रक्षका लागि नेपाली सञ्चारजगत्ले राम्रो भूमिका निर्वाह गरे पनि यसलाई अझै व्यवस्थितरूपमा अगाडि बढाउन आवश्यक रहेकोे बताए ।

उनले मुलुकमा राज्यपक्षबाटै विभेद र मानवअधिकार उल्लंघनको घटना प्रकाशमा आइरहेको वर्तमान अवस्थामा सञ्चारजगत्को भूमिकालाई थप बढाएको छ भने खोजी पत्रकारितालाई नयाँस्वरूपमा अगाडि बढाउन सञ्चार क्षेत्रमाथि दायित्वलाई बढाएकोे बताए ।

रेडियो सान्भीका महाप्रबन्धक नवराज फुयाँलले प्रदेश नं २ का मुख्यमन्त्री लालबाबु राउत गद्दी प्रदेश सरकारले ल्याएको सञ्चारक कानूनप्रति नेपाल पत्रकार महासंघको असन्तुष्टिलाई यही दशैँ र तिहारका बीच दुई पक्षीय बैठक तथा छलफलबाट टुङ्ग्याउने प्रतिबद्धता व्यक्त गरे ।

उनले सञ्चारजगत्ले लोकतन्त्र तथा संघीयतालाई स्थापित गराउन खेलेको भूमिकालाई प्रदेश सरकारले उच्च मूल्यांकन गरेको र सञ्चार कानूनमा देखिएका विमतिलाई चाँडै समाप्त पार्दै सञ्चारमैत्री कानून निर्माण गर्ने दाबी गरे ।

Published On: Time : 6:30:23  

तपाईको प्रतिक्रिया