स्थानीय तहका उम्मेदवारले खर्च विवरण नबुझाए कारबाही :आयाेग

प्रकाशित मिति :  53 पटक हेरिएको

काठमाडौं- स्थानीय तहका उम्मेदवारले खर्च विवरण नबुझाए कारबाही गर्न निर्वाचन आयोगले निर्देशन दिएको छ ।

मातहतका कार्यालयलाई स्थानीय तहका उम्मेदवारले खर्च विवरण नबुझाए कारबाही सिफारिस गर्न  निर्वाचन आयोगले  निर्देशन दिएको हाे ।

‘हालसम्म सम्बन्धित उम्मेदवारले कानुनबमोजिम बुझाउनु पर्ने निर्वाचन खर्चको विवरण बुझाए र नबुझाएको एकिन गरी निर्वाचन खर्चको विवरण बुझाउने तथा नबुझाउने उम्मेदवारको विवरण छुट्टै तयार गरी आवश्यक कारबाहीको लागि सिफारिससहित आयोगमा पठाउन सबै निर्वाचन कार्यालयलाई निर्देशन दिएको छ,’ आयोगका प्रवक्ता शालिग्राम शर्मा पौडेलले बताएका छन् ।

स्थानीय तह निर्वाचन ऐन र नियमावलीअनुसार परिणाम घोषणा भएको ३० दिनभित्र जिल्ला वा क्षेत्रीय निर्वाचन कार्यालयमा उम्मेदवारले खर्च विवरण बुझाउनु पर्ने हुन्छ ।

तपाईको प्रतिक्रिया