हेटौंडा- नेपाल केन्पो खुकुरी मार्शल आर्टस संघ हेटौंडा, मकवानपुरको अध्यक्षमा मेम्बरसिंह लामा निर्वाचित भएको छ।
समितिको उपाध्यक्षमा सुमन कार्मचार्य, राजेश मंग्राती, सचिवमा रामचन्द्र ब्लोन, कोषाअध्यक्षमा आनिता ब्लोन चयन भएका छन्। त्यसैगरी सदस्यहरुमा सुदर्शन खतिवडा , नज्मा बस्नेत, सिम्रन शिवाकोटी, स्वस्स्तिक बिडारी, अजित कार्की, अभिषेक खड्का, ओमकुमार मोक्तान प्रमिला घले चुनिए ।
भेलाको उद्घाटन नेपाल केन्पो खुकुरी मार्शल आर्टस संघका केन्द्रीय अध्यक्ष डा पूर्ण पाण्डेले गरेका थिए। पाण्डेले खेलकुद क्षेत्रको विकासका लागि केन्पो सबैसँग मिलेर अगाडि लाग्नुपर्ने र खेलकुदमा लागेर राष्ट्रको नाम राख्नलाई चिनाउन सक्ने गरि लाग्नुपर्ने बताए।
कार्यक्रममा संघका वरिष्ठ उपाध्यक्ष तथा बागमती इन्चार्ज कुमार कार्की, बागमती प्रदेशका अध्यक्ष संगम लामा, खेलकुद विकास समिति मकवानपुरका अध्यक्ष बेश् खड्गी, रग्बी संघका अध्यक्ष लिलाकुमार घलन, जुडो संघका अध्यक्ष सविन मोक्तानलगायतले संघले गरेका गतिविधि र भावी योजनाबारे जानकारी गराएका थिए।
