काठमाडौं– ग्रिसको चलकिडा शहरमा आयोजना हुने ३० औं एस.के.डि.यु.एन वल्र्ड च्याम्पियनसिपमा सहभागी हुन सोतोकान कराते डो संघ (एस.के.डि.यु.एन।) को तीन सदस्यीय टोली आज बुधबार ग्रिस तर्फ प्रस्थान गरेको छ ।
ग्रिस प्रस्थान गर्ने टोलीमा अफिसियलमा संघका उपाध्यक्ष बद्री बहादुर महत, टिम प्रशिक्षक एवं ब्यवस्थापकमा राजु तामाङ्ग र खेलाडी चित्र बहादुर श्रेष्ठ रहेका छन् ।
चित्रले आफ्नो खेल पश्चात अन्य प्रतियोगितामा निर्णायकको भूमिका समेत निर्वाह गर्ने संघका महासचिव गोविन्द श्रेष्ठले जानकारी गराए । टोलीलाई संघका महासचिव एवं सहायक प्रमुख प्रशिक्षक गोविन्द श्रेष्ठले आज अन्तराष्ट्रिय विमानस्थलमा शुभकामना सहित विदाई गरे ।
च्याम्पियनसिप अशोज १० देखि १४ गते सम्म संचालन हुने छ ।
