काठमाडौं- सुनको मूल्यमा हरेक दिन नयाँ कीर्तिमानी कायम हुँदै गएकाे छ । लगातार उकालो लागेको सुनको मूल्य आज तोलामा रु सात सयले उकालो लागेको छ ।
आजका लागि सुनको मूल्य प्रतिताेला रु एक लाख ६० हजार चार सय निर्धारण भएको नेपाल सुनचाँदी व्यवसायी महासंघले जनाएकाे छ ।
नेपाल सुनचाँदी व्यवसायी महासङ्घका अनुसार हिजाे सुनको मूल्य प्रतितोला रु एक लाख ५९ हजार सात सयमा कारोबार भएकाे थियाे ।
यस्तै आजका लागि चाँदीको मूल्य प्रतितोला रु एक हजार नौ सय ५५ मा पनि निर्धारण गरेकाे नेपाल सुनचाँदी व्यवसायी महासंघले जनाएकाे छ ।
