कालीकोट– तिलागुफा नगरपालिका–१ नाग्म बजारमा पहिरोमा परी चार जनकोे मृत्यु भएको छ । आइतबार बिहान पहिरो जाँदा तीन घर पहिरामा पुरिँदा तीन जना बेपत्ता भएका छन् ।
स्थानीयवासी पर्याक शाहीको घर पहिराले पुरेको जिल्ला प्रहरी कार्यालयका प्रहरी नायब उपरीक्षक श्यामबाबु ओलियाले बताए ।
पहिरामा परी ४० वर्षीय पर्याक शाही, उनकी ७ वर्षीया छोरी हिमा शाही, पाँच वर्षीय छोरा निराजन शाही र दुई वर्षीय छोरा अक्कल शाहीको मृत्यु भएको छ । उनीहरूको शव अपराह्न भेटिएको प्रहरी नायब निरीक्षक ओलियाले बताए ।
पहिरामा परेका मृतक शाहीकी श्रीमती पुण्या शाही र अर्का एक जना अर्जुन हमालको उद्धार गरिएको छ । उद्धार गरिएकाको उपचार जुम्लास्थित कर्णाली स्वास्थ्य विज्ञान प्रतिष्ठानमा भइरहेको जनाइएको छ ।
बेपत्ता तीन जनाको पहिचान खुल्न सकेको छैन । उनीहरूको खोजी कार्य जारी रहेको जिल्ला प्रहरी कार्यालयले जनाएको छ । घटनास्थल जुम्ला र कालीकोट जिल्लाको सिमाना नजिक कर्णाली राजमार्गको कालीकोट सडक खण्डमा पर्दछ ।
