पटना–भारतको बिहार राज्यका विभिन्न जिल्लामा हालै केही दिनयता भएको अविरल वर्षा र त्यसपछिको चट्याङमा परी
१४ जनाको ज्यान गएको छ ।
यसै हप्ता बिहारका विभिन्न छ जिल्लामा परेको चट्याङ लागेर १५ जनाको मृत्यु भएको हो ।
समाचारमा जनाइएअनुसार अविरल वर्षासँगै परेको चट्याङ लागेर उनीहरूको निधन भएको हो ।
चट्याङका कारण गएको तीन दिनमा ती नागरिकको ज्यान गएको र अरु केही व्यक्ति नराम्ररी घाइते भएका बिहारका विपद् व्यवस्थानसम्बन्धी अधिकरीहरूले जानकारी दिएका छन् ।
बिहारको विपद् व्यवस्थापन विभागले बुधबार बिहान सो कुराको जानकारी दिएको हो ।
गएको सोमबारदेखि यहाँ चट्याङ पर्न शुरु गरेको र बुधबार बिहानसम्म यो सङ्ख्या १५ पुगेको बिहारको विपद् व्यवस्थापन विभागले जानकारी दिएको हो ।
भारतीय सञ्चार माध्यमका अनुसार बिहार राज्यका विभिन्न जिल्लामा गत महिना मात्र पनि चट्याङका कारण
१०० जनाभन्दा बढीको ज्यान गएको थियो ।
मौसम खराब रहेकोले बाहिर ननिस्कन र सम्भावित चट्याङबाट बच्ने उपाय अपनाउन पनि राज्यका सबै सर्वसाधारण नागरिकमा सूचना जारी गरिएको बताइएको थियो ।
यसैगरी बिहारका मुख्यमन्त्री नितिश कुमारले चट्याङ लागेर ज्यान गएका व्यक्तिका परिवारका सदस्यलाई प्रतिपरिवार चार लाख भारतीय रूपैयाँका दरले क्षतिपूर्ति दिने घोषणा गर्नुभएको छ ।
पीडितका परिवारलाई सो रकम हस्तान्तरण गर्ने काम भइरहेको बताइएको छ ।
