तस्बिरः गुगल
काठमाडौं– अन्तर्राष्ट्रिय सुरक्षित गर्भपतन दिवसका दिन आयोजित एक छलफल कार्यक्रमले महिला तथा युवाहरुमा सुरक्षित गर्भपतन सेवा सर्वसाधारणको पहुँचभन्दा बाहिर रहेको निष्कर्ष निकालेको छ । सुरक्षित गर्भपतनको बारेमा छलफल गर्न अन्तर्राष्ट्रिय सुरक्षित गर्भपतन दिवसका दिन बुधबार बियोन्ड बेइजिङ कमिटी नेपाल, सि डिसाइड्स नेपाल, राइट हिएर राइट नाउ नेपाल र भिजिबल इम्प्याक्टको सहकार्यमा सम्पन्न भच्र्युल छलफल कार्यक्रमले उक्त निष्कर्ष निकालेको हो ।
आयोजकका अनुसार युवाहरुलाई सि डिसाइड्स अभियानको बारेमा जानकारी गराउन र यस अभियानलाई स्थानीय तहसम्म पु¥याउन कार्यक्रमको आयोजना गरिएको थियो । कार्यक्रममा उपस्थित युवाहरुलाई ‘गर्भपतन र युवा,’ ‘गर्भपतन र लान्छना,’ ‘गर्भपतन र कोभिड–१९’ गरी तीन समूहमा विभाजन गरेर सो विषयमा रही यसको अवस्था, चुनौती र सुझाव संकलन गरिएको थियो ।
छलफलमा सुरक्षित गर्भपतन सेवाको पहु“चमा चुनौती रहेको मात्र नभएर कोभिड–१९ महामारीको असरले गर्दा कतिपय महिलाहरु यस सेवाबाट वञ्चित भएको तथ्यहरु कार्यक्रममा प्रस्तुत गरिएको थियो ।
हरेक वर्ष २८ सेप्टेम्बरका दिन अन्तर्राष्ट्रिय सुरक्षित गर्भपतन दिवस मनाउने गरिन्छ । यसै सिलसिलामा सुरक्षित गर्भपतनको बारेमा छलफल गर्न युवाहरुलाई सि डिसाइड्स अभियानको बारेमा जानकारी गराउन र यस अभियानलाई स्थानीय तहसम्म पु¥याउन यस कार्यक्रमको आयोजना गरिएको आयोजकले जनाएको छ ।
सि डिसाइड्स अभियानको मुख्य उद्देश्य हरेकमहिला र किशोरीहरुले आफ्नो शरीर, जीवन र भविष्यको बारेमा आफैँले निर्णय गर्न पाउने समाजको विकास गर्नु रहेको कार्यक्रममा बताइएको थियो ।
जुम प्रविधिबाट आयोजना गरिएको उक्त कार्यक्रममा विभिन्न क्षेत्रमा संलग्न ६५ जना युवाहरुको उपस्थिति रहेको थियो । कार्यक्रममा उपस्थित युवाहरुले सुरक्षित गर्भपतनसँग सम्बन्धित सत्य घटनामा आधारित कथाहरु वाचन, गीत प्रस्तुति गरेका थिए भने यसै क्षेत्रमा कार्य गर्दै आएका तीन युवाहरुले सुरक्षित गर्भपतनसँग सम्बन्धित छलफल गरेका थिए । छलफलबाट आएका अवस्था, चुनौती र सुझावहरु संस्थाले सरकारी तथा सरोकारवाला निकायहरुसँग पैरवी गर्नका लागि प्रयोग गरिने आयोजकले जनाएको छ ।
यस कार्यक्रमले सुरक्षित गर्भपतनको बारेमा युवाहरुलाई जानकारी गराउनका साथै उनीहरुलाई सचेत पनि गराएको तथा सहभागी युवाहरुले यो कार्यक्रम अरुभन्दा भिन्न र सूचनामूलक भएको बताएका छन् ।
