नवलपरासी पश्चिम–देशै भर बर्तमान अवस्थामा नेपाली कांग्रेस प्रवेश गर्नेको लहर बढदो छ ।
सोही क्रममै नवलपरासी पश्चिममा समेत नेपाली कांग्रेस प्रवेशको लहर बढेको हो ।
विशेष गरि प्रतिनिधिसभा सदस्य समेत रहेका नेपाली कांग्रेसका केन्द्रिय सद्स्य देवेन्द्रराज कण्डेलको गृह जिल्ला रहेको नवलपरासी पश्चिममा कांग्रेस प्रवेशको लहर चलेको छ ।
यसै क्रममा सरावल गाउँपालिका १ र २ का निर्वाचित वडा अध्यक्षद्वय भेषनारायण चौधरी एवं शम्भु चौधरी सहित ४० जना ब्यक्तित्व लाई एक कार्यक्रम बिच सद्स्यता प्रदान गर्दै नेपाली कांग्रेसमा प्रवेश गराएका छन् ।
कांग्रेस सरावल गाउँपालिका वडा १ र २ को संयुक्त आयोजनामा आयोजित बिजया दशमी, दिपावली, रमजान तथा छठ पर्व २०७७को पावन उपलक्ष्यमा आयोजित शुभकामना आदानप्रदान तथा पार्टी प्रवेश कार्यक्रमको अयोजना गरेको छ वडा सभापती रुद्रनाथ रायको सभापतित्वमा कांग्रेस केन्द्रिय सदस्य मा.देवेन्द्र कण्डेलको प्रमुख आतिथ्यतामा, जिल्ला सभापति बिष्णु पौडेलको बिशिस्ट आतिथ्यतामा जिल्ला सहसचिव तथा जिसस प्रमुख शिव शन्कर राय, केन्द्रिय संगठन बिभाग सदस्य मोहन शर्मा, महासमिती सदस्य तथा सरावल गापा प्रमुख राधेश्याम चौधरी, उपप्रमुख तथा महाधिबेशन प्रतिनिधि उत्तमा राय, गाउँपालिका सभापती बिनोद पान्डे लगायतको उपस्थितीमा शुभकामना आदान–प्रदान तथा पार्टी प्रवेश कार्यक्रम सम्पन्न भएको हो ।
