नेपालगञ्ज/जब समाजका सबै सदस्यको हितका पक्षमा काम गरिन्छ, एकअर्कासँग आबद्धताको भाव निर्माण गरिन्छ, एक–आपसमा विश्वास प्रवद्र्धन गरिन्छ । अरुका लागि आफु उदाहरण बन्ने काम गरिन्छ । त्यहाँ सामाजिक सद्भाव कायम हुन्छ । एक अर्काको अस्तित्वको स्विकार गरेर भातृत्व, मित्रताको भाव जागृत गरेको खण्डमा त्यहाँ सद्भाव अभिृबद्धि हुन्छ । हो, यस्तै भावलाई बर्षाैं देखि जागृत गर्न अग्रसर छन्—नेपालगञ्ज उद्योग बाणिज्य सँघका अध्यक्ष नन्दलाल बैश्य । जसलाई सद्भावका सारथि भन्दा अतियोक्ति हुँदैन ।
नेपालगञ्ज त्रिभुवचौक पूर्बमा अवस्थित नन्कुराम होलिराम कपडा पसलका सञ्चालक बैश्य सबै धर्मावलम्बिहरुलाई २० बर्ष देखि शुभकामना आदान—प्रदान गर्न अग्रसर रहँदै आएका छन् ।
चाहे हिन्दुहरुको महान चाड दशैं, तिहार, होलि होस् या नयाँ बर्ष, चाहे मुस्लिमहरुको ईद, बक्र ईद, मोहम्मद डे, रमजान होस् वा ईसाईहरुको क्रिसमस, वा बौद्ध धर्मावलम्विहरुको बुद्ध जयन्ति सबै पर्व र अवसरलाई बैश्यले सबैलाई यादगार हुने काम गर्दछन् ।
सबै पर्ब र अवसरमा ५ देखि १५ वटा सम्म शुभकामना व्यानर बनाएर नेपालगञ्ज शहरका बिभिन्न चौकहरुमा टाँस्ने गरेका छन् । उनले पछिल्लो समय कोहलपुर र खजुरामा समेत शुभकामना व्यानर टाँस्ने गरेका छन् । जसबाट शुभकामना प्रदान गर्ने काम मात्र नभई सकारात्मक सन्देश समेत प्रवाह हुने गरेकोछ ।
नेपालगञ्जमा व्यानर टाँस्ने चलनको शुरुवात आफुले गरेपछि अरुले पनि शुभकामना व्यानरहरु ठाउँ—ठाउँमा राख्न थालेको उनले बताए । शुरु—शुरुमा सस्तो लोकप्रियताका लागि व्यानर टाँगेको आरोप आफुलाई लाग्थ्यो तर अहिले सबै सोही कार्य गर्न तर्फ अग्रसर हुँदा आफुलाई खुसी लाग्ने गरेको उनको भनाई छ ।
एउटा धर्म मान्ने व्यक्ति त्यहि धर्ममा मात्र सिमित हुँदा अर्काे धर्म मान्ने व्यक्ति साथी हुन सक्दैन, उ टाढा—टाढा हुन्छ, बैश्यले भने—जव सबैका सुख र दुःखमा साथ दिन हामी अग्रसर हुन्छौं, अनि मात्र बास्तविक मित्रता स्थापित हुन सक्दछ । जब मित्रता, भातृत्व कायम हुन्छ, सद्भाव आपसेआप भईहाल्छ, बैश्यले भने—शुभकामना आदान, प्रदान पनि सबैसँग नजिक हुने एउटा माध्यम हो ।
उनी पर्ब, उत्सब र अवसरहरुको शुभकामना केवल व्यानरबाट मात्र दिँदैनन्, पर्ब, उत्सब मनाउने थलो हिन्दुहरुका बिभिन्न मन्दिर, मुस्लिमहरुका बिभिन्न मस्जिद, ईसाईहरुको बिभिन्न चर्च, बौद्धहरुको बौद्ध गुम्वा, सिखहरुको गुरुद्धारामा गएर गले मिलाउँछन्, अँकमाल गर्छन्, हात मिलाउँछन् । अन्य धर्मावलम्विहरुको घरमा गएर शुभकामना साटासाट गर्छन् ।
यसबाट धेरै व्यक्तिहरुलाई सकारात्मक प्रभाव परेकोछ । यति मात्र सिमित छैनन् नन्दलाल, बर्षेनि बिभिन्न चाडपर्बहरुमा भण्डारा लगाउने, प्रसाद बाँड्ने, पानी, सर्बत बाँड्ने, नेपालगञ्जको हँडियाबाबामा कम्बल बितरण गर्ने कार्य समेत नियमित र निरन्तर गर्दै आएका छन् ।
भेट्यौं भने माया बढ्छ, माया बढ्यो भने, मित्रता हुन्छ, मित्रता भयो भने सद्भाव बढ्छ —उनले भने—
मेरो हृदय देखिको ईच्छाका कारण बर्षेनि ५० हजार देखि १ लाख सम्म खर्च गरेर व्यानर टाँस्ने, भण्डारा लगाउने, प्रसाद, सर्बत, पानी बितरण गर्दै आएको छुँ ।
उनी अहिले नेपालगञ्ज उद्योग बाणिज्य सँघको नेतृत्वमा छन्, सँघको तर्फबाट पनि शुभकामना आदान, प्रदान गर्ने काम भईरहेकोछ भने व्यक्तिगत रुपमा नन्कुराम होलिरामबाट पनि सो कार्यले निरन्तरता पाईरहेकोछ ।
मुस्लिमहरुको ईद आउँदैछ, शुभकामना व्यानरका माध्यमबाट नन्दलाल नेपालगञ्ज भरि छाईसकेकाछन् । उनी भन्छन्—मुस्लिमहरुको ईदका कारण बिदेश जाने अवसर समेत मैले यस पटक छाडें ।
बिदेश त म पछि पनि जान सक्छु, मुख नेर आएको मुस्लिम साथीहरुको महान चाडको शुभकामना आदान, प्रदान यहि बर्ष जसरी अर्काै बर्ष गर्न सक्दैन—उनले भने—
त्यसैले बिदेश गईन ।
उनको यो कार्यले पक्कै पनि समाजमा सकारात्मक सन्देश प्रबाह गरेकोछ, यस्तो कार्यले निरन्तरता पाओस् हार्दिक शुभकामना ।
