अछाम/बागेश्वरी धार्मिक तथा प्राकृतिक, पर्यटकीय क्षेत्र बिकास समिति, नागपर्वत, नाडा अछामको पाँचौं बार्षिक साधारण सभा सम्पन्न भएको छ ।
संस्थाका अध्यक्ष लोकेन्द्र बहादुर शाहको अध्यक्षता, जिल्ला समन्वय समिति अछामका उपप्रमुख टोप बहादुर रावलको प्रमुख आतिथ्यता र तुर्माखाँद गाउँपालिकाका अध्यक्ष पुष्पराज शर्माको बिशिष्ठ आतिथ्यतामा साधारण सभा सम्पन्न भएको हो ।
साधारण सभाको उद्घाटन गर्दै कार्यक्रमका प्रमुख अतिथि जिल्ला समन्वय समिति अछामका उप—प्रमुख टोप बहादुर रावलले धार्मिक सहष्णिुताले सामाजिक सद्भाव अभिबृद्धि गरेको बताउँदै संस्थाले धार्मिक, प्राकृतिक र पर्यटकीय बिकासका लागि महत्वपूर्ण काम गरेको बताए ।
कार्यक्रमका बिशिष्ठ अतिथि तुर्माखाँद गाउँपालिकाका अध्यक्ष पुष्पराज शर्माले परापूर्ब काल देखि प्रख्यात क्षेत्रको रुपमा सुपरिचित बागेश्वरी क्षेत्रलाई बिस्तार गर्न संस्थाले अहम भूमिका खेलेको बताए । तुर्माखाँद गाउँपालिकाको सहयोगमा धर्मशाला निर्माण गरि संस्थाले परोपकारी कार्य गरेको उनले बताए ।
उनले संस्थाको गतिशिलता, पारदर्शिता, चुस्तताको मुक्त कण्ठले प्रशंसा गरे, भने —
सबैका लागि यो क्षेत्रकै उदाहरणीय संस्था हो, बागेश्वरी धार्मिक तथा प्राकृतिक, पर्यटकीय क्षेत्र बिकास समिति । यस संस्थाको प्रेरणा लिएर सबै संस्था, उपभोक्ता समितिले काम गरे गाउँको समग्र बिकास हुने उनले बताए । आगामी बर्षहरुमा पनि संस्थासँग सहकार्य गर्न गाउँपालिका तयार रहेको शर्माले बताए ।
कार्यक्रममा बासका अध्यक्ष मन भण्डारी, कार्यकारी निर्देशक नमस्कार शाह, तुर्माखाँद गाउँपालिकाका वडानम्बर ३ का अध्यक्ष तुलाराम जैशी, समिति सदस्य तारा बहादुर चलाउने, गौमती शाही, सल्लाहकार सदस्य तथा तुर्माखाँद गाउँपालिकाका कार्यपालिका सदस्य दमन बहादुर घर्ती लगाएतले बोलेका थिए ।
कार्यक्रममा समितिका संरक्षक लाल बहादुर शाही, तुर्माखाँद गाउँपालिका वडानम्बर २ का वडाध्यक्ष शुभराज जैशी, वडानम्बर ४ का वडाध्यक्ष कबिराम बयक, वडानम्बर ६ का वडाध्यक्ष मुक्ति प्रसाद उपाध्याय, वडानम्बर ७ का वडाध्यक्ष रतन बहादुर चलाउने, संस्थाका सल्हाकार भीम बहादुर चलाउने, नारायण देब बुढा, कुल बहादुर शाह लगाएतको उपस्थिति रहेको थियो ।
कार्यक्रममा अध्यक्ष लोकेन्द्र बहादुर शाहले संस्थाको बार्षिक प्रतिवेदन प्रस्तुत गरेका थिए भने आर्थिक प्रतिबेदन कोषाध्यक्ष छत्रकला बयकले प्रस्तुत गरेकी थिईन् ।
कार्यक्रमकै बिच बासका तर्फबाट अध्यक्ष मन भण्डारी र कार्यकारी निर्देशक नमस्कार शाहले संस्थालाई मायाको चिनो भित्ते घडी प्रदान गरेका थिए । घडी संस्थाका अध्यक्ष लोकेन्द्र बहादुर शाह, कोषाध्यक्ष छत्रकला बयकले ग्रहण गरेका थिए ।
कार्यक्रममा संस्थाका संरक्षक लाल बहादुर शाहीले समितिको झण्डोत्तलन गरेका थिए भने बागेश्वरी मन्दिरका मूल पूरोहित जयलाल उपाध्याले बागेश्वरीको पूजा, अर्चना सहित जयजयकार गराएका थिए ।
समितिका उपाध्यक्ष टेक बहादुर बयकले स्वागत मन्तव्य व्यक्त गरेको कार्यक्रममा कमल प्रा.बि. तुमाखाँद चिसीका बिद्यार्थीहरुले स्वागत गित प्रस्तुत गरेका थिए भने उनीहरुले धार्मिक देउडा गित समेत प्रस्तुत गरेका थिए ।
गौरी बुढा र सरिता बयकले अतिथिहरुलाई व्याज बितरण गरेको कार्यक्रममा बागेश्वरी बन्दना समेत प्रस्तुत गरिएको थियो । कार्यक्रममा संस्थालाई योगदान दिने बिभिन्न महानुभावहरुलाई सम्मान गरिएको थियो ।
यसरी सम्मानित हुनेहरुमा नमस्कार शाह, दिला शाह, नारायण देब बुढा लगाएत रहेका छन् । उनीहरुलाई कार्यक्रमका बिशिष्ठ अतिथि तुर्माखाँद गाँपालिकाका अध्यक्ष पुष्पराज शर्मा र अध्यक्ष लोकेन्द्र बहादुर शाहले प्रशंसा पत्र प्रदान गरेर सम्मान गरेका थिए । कार्यक्रममा १०० बढीको सहभागिता रहेको थियो ।
समितिले यस आ.ब.मा गाउँपालिकाको सहयोगमा २ कोठे धर्मशाला निर्माण गर्नुका साथै निःशुल्क स्वास्थ्य शिबिर सञ्चालन लगाएतका कार्यक्रमहरु सञ्चालन गरेको जनाएकोछ ।
