काठमाडौं — द हन्ड्रेड क्रिकेट प्रतियोगिताका लागि इंग्ल्यान्ड गएका नेपाली राष्ट्रिय क्रिकेट टिमका लेग स्पिनर सन्दीप लामिछाने स्वदेश फर्किएका छन् ।
सन्दीपका म्यानेजर रमण शिवाकोटीले उनी बिहीबार दिउँसो नेपाल आईपुगेको बताए । ‘सन्दीप आज १२ बजे नेपाल आईसकेका छन्,’ उनले भने ।
भिसा समस्याको कारण प्रतियोगिता नखेली सन्दीप स्वदेश फर्किएका हुन् । सन्दीप ओभल इन्भिन्सिबलमा आबद्द रहेका थिए । तर, सन्दीपले टिएर ५ भिसा पाएपनि प्रतियोगिता खेल्नको लागि अनुमति नपाएका हुन् ।
इन्भिन्सिबलले सन्दीपको स्थानमा ताबरेज शम्सीलाई टिममा अनुबन्ध गरिसकेको छ । भिसाकै कारण सन्दीपले यस अघि भाइटालिटी टी–ट्वान्टी ब्लास्ट क्रिकेट गुमाएका थिए । त्यस प्रतियोगिताका लागि सन्दीप वोर्सेस्टरशायर र्यापिड्समा अनुबन्धित भएका थिए ।
