काठमाडौं– गीतकार इन्दिरा चेम्जोङको ‘एकलौटी बजार’ बोलको नयाँ गीत भिडियोसहित सार्वजनिक भएको छ । नेपालको पूर्वी धनकुटा जिल्ला, चौबिसे राजारानीमा जन्मिएकी गीतकार चेम्जोङ नेपाली सांगीतिक आकासको गीति लेखनमा एक सशक्त नारी हस्ताक्षर हुन् । उनले यस अघि पनि ‘अर्को जन्म’ बोलको एल्बम साथै नेपाली तथा लिम्बु भाषाको गरी धेरै गीतहरू सांगीतिक बजारमा स्रोता, दर्शक सामु पस्किसकेकी छन् ।
गीतकार चेम्जोङले न्युयोर्क अमेरिकाको प्रवास बसाइँमा रहँदै बजारमा ल्याएकी उक्त ‘अर्को जन्म’ एल्बमले धेरै स्रोता दर्शकहरूको मन जित्न सफल भएर माया पाएको थियो । यस्तै अर्को सशक्त शब्द रहेको ‘एकलौटी बजार’ मा बाबुल गिरीको संगीत तथा एरेन्ज र गायक आभास क्षेत्रीको आवाज रहेको छ ।
गीतको भिडियोमा सम्पादन विश्व भण्डारीको रहेको छ । भिडियोमा गीतकार चेम्जोङ र गायक गिरीलाई नै फिचर्ड गरिएको छ ।
इन्दिरा चेम्जोङ नामक अफिसयल युट्युब च्यानलबाट बजारमा सार्वजनिक भएको ‘एकलौटी बजार’ बोलको भिडियोसहितको प्रेमील बियोगान्त गीतले पनि आम स्रोता, दर्शकको मन जित्न सफल हुनेछ भन्ने कुरामा आफू विश्वस्त रहेको गीतकार चेम्जोङले बताएकी छन् ।
