काठमाडौं– जोसेफ शाही ठकुरी र धर्मेन्द्र सुनारको युगल स्वर समेटिएको ‘जिन्दगीले घुमायो’ गीतको भिडियो सार्वजनिक भएको छ । भिडियोमा रत्न डंगोलको मुख्य अभिनय देख्न सकिन्छ ।
जोसेफ शाहीको अफिसियल युट्युव च्यानलमार्फत उक्त गीतको भिडियो सार्वजनिक गरिएको छ ।
सर्वश्व गुमाएर पनि जिउने आत्मबल नगुमाएको एक्लो पात्रको कहाँनी समेटिएको गीतको भिडियोमा डंगोलसँगै राजिन आचार्य, रामबाबु रेग्मी र रचना गौतमको अभिनय रहेको छ । सिमभन्ज्याङका विभिन्न स्थानमा छायाँकन गरिएको भिडियोमा गौरव गिरीको निर्देशन छ । जोसेफको नै शब्द, करणराज कार्कीको संगीत र देबेश राईको संगीत संयोजन रहेको गीतमा ध्वनी सम्पादन किशोर थापाको छ भने वसन्त कुँवरको छायाँकन रहेको छ ।
