काठमाडौं– म्युजिक भिडियो ‘चरी नाचेको...’ गीतको भिडियोमा सुरेन्द्रकुमार दाहालको अभिनय रहेको छ । कैयौँ म्युजिक भिडियोहरूमा आँनो उत्कृष्ट अभिनय र नृत्यको माध्यमबाट दर्शकहरूको मन जित्न सफल मोडल सुरेन्द्रले पछिल्लोपटक ‘चरी नाचेको...’ गीतमा अभिनय गरेका हुन् ।
राष्ट्रिय स्तरमा चर्चित विशेष गरेर लोक तथा दोहोरीका मोडल सुरेन्द्रलाई नृत्यमा मोडल समारीका ढकालले साथ दिएकी छन् । गायिका लक्ष्मी खड्का र गायक नेत्रप्रसाद काँलेको स्वरमा रहेको म्युजिक भिडियो उमंग म्युजिक प्रा.लि.बाट बजारमा ल्याइएको बताइएको छ ।
उमंग म्युजिक प्रा.लि को पोस्ट प्रोडक्सन रहेको गीतमा लय भने चर्चित लोक तथा दोहोरी गायक तथा संगीतकार पुरुषोत्तम पौडेलले दिएका छन् । त्यस्तै, मारुनी रेकर्डिङ स्टुडियोमा रेकर्ड भएको गीतमा कमल सौरागको संगीत संयोजन, कुमार रानाको रेकर्ड तथा अडियो सम्पादन रहेको छ ।
भिडियोतर्फ विक्रम चौहानको निर्देशन रहेको सो गीतमा सुरेन्द्र तथा समारिकाको अभिनय रहेको छ । गीतको भिडियो छायांकन सुरेश श्रेष्ठ तथा ड्रोन छायांकन सन्तोष महराले गरेको उत्पादक कम्पनी उमंग फिल्मस् प्रा लि ले जनाएको छ । गीतमा भिडियो सम्पादन शिव पौडेलको रहेको छ ।
