काठमाडौंं – कोरोना भाइरस कोभिड–१९ कारण लामो समय देखि सिनेमाको काम प्रायः ठप्पजस्तै रहेपनि अब भने बिस्तारै चलयमान हुन थालेको छ । चलचित्र र म्युजिक भिडियोमा ब्यस्त बन्दैगर्दा बैबाहिक सम्बन्धमा बाँधिन पुगेकी नायिका आशा पौडेल दश वर्ष पछि चलचित्र र म्युजिक भिडियो सुटिङको लागि नेपाल आएकी छन् ।
बिवाहपश्चात नायिका आशा पौडेल भारतको दिल्लीमा बस्दै आईरहेकी थिइन । लकडाउन र निषेधाज्ञाका कारण बन्दाबन्दिको अवस्था रहेको सिने क्षेत्र निषेधाज्ञा खुकुलो हुनासाथ चलचित्रकर्मी आफ्नो नयाँ प्रोजेक्टको घोषणा गर्न थालेका छन् भने केही चलचित्रको सुटिङको काम सक्किएको छ ।
सिनेमाको काम सुरुहुन थालेलगतै नेपाल आएकी नायिका आशा पौडेलले भर्खरै एउटा म्युजिक भिडियो सक्काएर निर्माणधिन चलचित्रको गृहकार्यमा ब्यस्त छिन । चलचित्र ‘दाईको ससुराली’ बाट नायिकाको रूपमा सिने क्षेत्रमा प्रवेश गरेकी पौडेलले जिन्दगी, कर्जा रगतको, तृष्णा आदि चलचित्रमा काम गरेकी छन् । तीन दर्जन बढी म्युजिक भिडियोमा मोडलिङ गरेकी पौडेलले हाफब्वाईल, सिलसिला, आम्मै, जिवनचक्र आदि टेलिफिल्ममा अभिनय गरेकी छन् ।
