काठमाडौं– दसैँ छेको पारेर दसैँकै विषय वस्तलाई समेटेर परदेशमा बस्न मन छैन भन्ने गीत बजारमा ल्याइएको छ । दर्जन चलचित्रमा अभिनय गरिसकेका व्यस्त नायक दिनेश केसी र आशा केसीको स्वर रहेको दसैँको अवसरमा परदेशमा रहने नेपालीलाई सम्बोधन गरेर दसैँ गीत सार्वजनिक गरेका हुन् ।
‘परदेश बस्न मन छैन’ बोलको म्युजिक भिडियो युट्युबमार्फत सार्वजनिक गरिएको छ । अमृत भारतीको शब्द, राजकुमार नेपालीको संगीत रहेको गीतको भिडियोमा विशेषतः चाडपर्वका बेला परदेशमा रहँदा आफ्नो गाउँघर र परिवारको सम्झनालाई मर्मस्पर्शी ढंगबाट भिडियोमा उतार्ने प्रयास गरेको बताइएको छ । भिडियोमा नायक दिनेश केसी, नायिका उषा खनाल, सरिता राजउपाध्याय, पुर्षोत्तम दंगाल लगायतका कलाकारले जिवन्त अभिनय गरेका छन् ।
