काठमाडौं– युवा साहित्यकार एवं गीतकार भीष्मराज फुलाराको शब्दमा नृत्य निर्देशक सुनिता बस्नेतले तिहारको अवसर पारेर दर्शक, श्रोताका लागि नयाँ सांगीतिक कोसेली सार्वजनिक गरेका छन् ।
बाबुल गिरीको स्वर, संगीत र संगीत संयोजन रहेको ‘हमेशा यो सहरको डेरामा’ बोलको गीतको भिडियो ओएसआर डिजिटलमार्फत सार्वजनिक भएको हो ।
अहिलेको विषम परिस्थिति र यो महामारीको चपेटामा परी कष्टकर जीवन बिताइरहेका आम नागरिक तथा मुलुक वा मुलुक बाहिर सपनाको संसार सजाउन हिँडेका युवापिढी जो सहरका डेरामा बसी क्रूरता जीवन भोगिरहेका छन् त्यस्तो जनजीवनलाई लक्षित गरी गीतमार्फत उजागर गरेका छन् गीतकार फुलाराले ।
यस्तो मर्मश्पर्धी गीतको भिडियो निर्माणमा संलग्न हुन पाउँदा खुसी लागेको नृत्य निर्देशक सुनिता बस्नेतले बताइन् । नृत्य प्रशिक्षकको रूपमा परिचित नृत्यांगना सुनिता बस्नेत पछिल्लो समय नृत्य प्रशिक्षणसँगै म्युजिक भिडियो निर्देशनमा पनि त्यतिकै सकृय बनेकी छन् ।
नृत्य निर्देशनको क्षेत्रमा थोरै महिला निर्देशक छन् जसमा कोरियोग्राफर, नृत्यांगना सुनिता बस्नेत पनि एक हुन् । समसामयिक अति मर्मश्पर्धी गीत ‘हमेशा यो सहरको डेरामा’को भिडियोमा सविन बास्तोला, सरोज दाहाल, सुनिता गीरी, मन महर्जन, हरिशरण गीरी, रूपा मानन्धरले जीवन्त अभिनय गरेका छन् । भिडियोमा सम्पादन सुजन बडाल, छायांकन सुमन कार्की, कोरियोग्राफर सुनिता बस्नेत, शृंगार रूपा मानन्धर, निर्देशन राजु गिरीको रहेका छ ।
