काठमाडौं — गायक ऋषि खड्का र मीना कार्कीको स्वरमा ‘फुर्के रिवन’ सार्वजनिक भएको छ । गायक ऋषि खड्काले यसअघि पनि थुप्रै गीत बजारमा ल्याएका छन् । गीति लेखन, संगीत सिर्जना र गायनमा समेत आफूलाई अब्बल स्थानमा राख्न सफल खड्काको सिर्जनाले अशंख्य श्रोता तथा दर्शकको मन जितिसकेका छन् ।
गायक ऋषि खड्का र मीना कार्कीको नयाँ सागीतिक कोसेली ‘फुर्के रिबन’ श्रोता दर्शकमाझ लिएर आएका हुन् । नेत्र अर्यालको उत्कृष्ट शब्द सिर्जना रहेको गीतमा ऋषि खड्का गायक आफँैले संगीत भरेका छन् भने श्यामश्वेत रसाइँलीले एरेन्ज गरेका हुन् । बिक्रम चौहानको निर्देशनमा रहेको भिडियोमा पुष्पा खड्का र मीना कार्कीको अभिनय रहेको छ । प्रकाश खड्काले छायाँकन गरेका भिडियोमा उपत्यका आसपासको रमणीय दृश्य समेटिएको छ ।
