अछाम/ यहि कार्तिक १२ गते दिवंगत अछामका समाजसेवी तथा राजनीतिज्ञ लाल बहादुर शाहीको सम्झनामा शोकसभा सम्पन्न गरिएकोछ ।
बागेश्वरी धार्मिक तथा प्राकृतिक, पर्यटकिय क्षेत्र विकास समिति तुर्माखाँद र श्री कालिकेश्वरी मा.बि. तुर्माखाँदले छुट्टा, छुट्टै कार्यक्रम गरि शोकसभा सम्पन्न गरेका हुन् ।
जुकु शाही र चितरा शाहीका छोरा शाहीको जन्म १९९४ फाल्गुण १० गते जन्मेका बागेश्वरी धार्मिक तथा प्राकृतिक, पर्यटकिय क्षेत्र विकास समिति तुर्माखाँदका संरक्षक शाहीको सम्मानमा समितिको कार्यालयमा शोकसभा सम्पन्न गरिएको थियो । शोकसभामा शाहीको तस्विरमा माल्यार्पण गर्नुका साथै मौनधारण गरि वहाँ प्रति शद्धाञ्जली व्यक्त गरिएको थियो ।
त्यसैगरी श्री कालिकेश्वरी मा.वि.ले वहाँको सम्झनामा शोकसभा सम्पन्न गरेकोछ । २०३९ साल देखि २०४२ साल सम्म निमाविको संस्थापक सेक्रेटरी, व्यवस्थापन समिति सदस्य, २०४५ देखि २०४७ साल सम्म श्री कालिकेश्वरी मा.वि. तुर्माखाँदको व्यवस्थापन समितिको र सोही विद्यालयको २०५४ देखि २०५६ सम्म व्यवस्थापन समिति सदस्य भएर जिम्मेवारी बहन गरेका थिए ।
बिद्यालय परिसरमा आयोजना गरेको शोकसभाका प्रमुख अतिथी बागेश्वरी धार्मिक तथा प्राकृतिक, पर्यटकिय क्षेत्र विकास समितिका अध्यक्ष तथा बिद्यालयका पूर्व प्राचार्य लोकेन्द्र बहादुर शाहले शिक्षाप्रेमी शाहीको निधनले बिद्यालय परिवारलाई अपुरणिय क्षति पूगेको बताए । शाहीले बिद्यालयको उत्थानका लागि अतुलनिय योगदान पुर्याएको शाहले बताएका थिए । शाहले पूर्व अध्यक्ष शाही प्रति श्रद्धाञ्जली व्यक्त गर्दै बिद्यालयको व्यवस्थापन समितिमा १ पटक सेक्रेटरी, ३ पटक सदस्य र १ पटक अध्यक्ष भएर बिद्यालयको शैक्षिक, भौतिक लगाएत समग्र उत्थान र विकासका लागि महत्वपूर्ण कार्य गरेको स्मरण गरे ।
बिद्यालय व्यवस्थापन समिति अध्यक्ष झंकर बहादुर बुढाको अध्यक्षतामा सम्पन्न कार्यक्रममा बिद्यालयका प्राचार्य मन बहादुर बयक, शिक्षक अभिभावक संघका सदस्य टेक बहादुर बयकले स्वर्गिय लाल बहादुर शाहीले देखाएको बाटो प्रेरणाको स्रोत भएको बताए । मावि शिक्षक अमर बहादुर चलाउनेले सञ्चालन गरेको कार्यक्रमका सहभागिहरुले शाहीको तस्विरमा अविर सहित माल्यार्पण गरि श्रद्धाञ्जली व्यक्त गरेका थिए । कार्यक्रममा ५ सय बढि शिक्षक, बिद्यार्थी, अभिभावकहरुको सहभागिता रहेको थियो ।
यसैगरी आजै बसेको बागेश्वरी धार्मिक तथा प्राकृतिक, पर्यटकिय क्षेत्र विकास समिति तुर्माखाँदको बैठकले आगामी फाल्गुणमा महायज्ञ गर्ने निर्णय गरेकोछ । अध्यक्ष लोकेन्द्र बहादुर शाहको अध्यक्षतामा बसेको बैठकले समितिलाई तुर्माखाँद गाउँपालिकाले उपलब्ध गराउने ५ लाख रकमबाट हवनकुण्ड, प्रवचन मञ्च, भोजनालय, गणेश मन्दिर र नयाँ माथिल्लो स्थानमा रहेको बागेश्वरी मन्दिरको डिपिसि गर्ने निर्णय गरेकोछ ।
