नवलपरासी पश्चिम– नवलपरासी पश्चिममा २४ जना बिभिन्न मुद्दामा फरार रहेका अभियुक्तलाई प्रहरीले पक्राउ गरेको छ । आईतबार जिल्ला अदालतबाट बिभिन्न मितिमा फैसला भई कैद तथा जरिवाना तोकि तत्काल सजाय भुक्तान नगरेका लागु औषध मुद्धाका १ जना, सवारी ज्यान मुद्धाका २ जना, कुटपिट मुद्धाका १७ जना, चोरी मुद्धाका २ जना, जाल साझी मुद्धाका १ जना र केहि सार्वजनिक अपराध मुद्धाका १ जना फरार अभियुक्तहरू जिल्ला प्रहरी कार्यालय तथा मातहत समेतबाट खटिएको प्रहरी टोलीले जिल्लाका बिभिन्न स्थानबाट पक्राउ गरेको हो ।
पक्राउ पर्नेमा लामो समय २१ बर्षदेखि फरार रहेका साथै अधिकतम ६ महिनासम्म कैद तथा २० हजारसम्म जरिवाना तोकिएका अभियुक्त रहेका छन् । अदालतको लगत अनुसार पक्राउ परेका २४ जना अभियुक्तहरूको जम्मा सजाय १ बर्ष ५ महिना ३० दिन कैद र ५१ हजार ९ सय ५५ रूपैयाँ जरिवाना रहेको छ । पक्राउ गरिएका सबै २४ जना फरार अभियुक्तहरूलाई आवश्यक कारवाहीको लागि जिल्ला अदालत नवलपरासी पेश गरिएको र सम्मानित अदालतबाट लगत अनुसारको कारबाही भएको जिल्ला प्रहरी कार्यालय नवलपरासी पश्चिमले जनाएको छ ।
