भक्तपुर– भक्तपुरको एभरेष्ट इगलिश स्कुल मिवाछें व्यासीका विद्यार्थीले जिल्लाकै सूर्यविनायक नगरपालिका गुण्डुमा पुगेर सरसफाई गरेका छन् । स्कुलको कक्षा ९ का २९ जना छात्रछात्राहरू संस्थापक प्रिन्सिपल भक्त राजभण्डारीसँगै शिक्षक शिक्षिकाहरूसँगसँगै सूर्यविनायक नगरपालिका–७ गुण्डुको मन्थलीमा पुगेर जनचेतना जगाउन सरसफाईमा जुटेका हुन् ।
मन्थलीस्थित जंगलकोवीचमा रहेको यो ठाउँं पिकनिक स्पोर्टको रूपमा विकशित छ । यही कारण यहाँ फोहोर छ । त्यही फोहोरको संकलन र व्यवस्थापनमा विद्यार्थी लागिपरेका हुन् । करिव एक सय रोपनीको क्षेत्रफलमा फैलिएको यो ठाउँमा रहेका पानीका बोटल, विभिन्न ब्राण्डका रक्सीका बोटलहरू, प्लाष्टिकहरू, शिशाका टुक्राहरू आदि संकलन गरी उनीहरूले व्यवस्थापन गरेका हुन् ।
सूर्यविनायक नगरपालिकाले जथाभावी फोहोर नगरी एकैठाउँमा फोहोर संकलन गरी थुपार्न एउटा खाल्डोको व्यवस्था गरिराखेको छ । साथै ठाउँठाउँमा फोहोर राख्ने डस्टविनको पनि व्यवस्था छ । तर पनि त्यहाँ आउने सर्वसाधारणले फोहोरलाई ठिक ठाउँमा नफाली जथाभावी फाल्नाले त्यहाँ फोहोर देखिएको थियो । यही फोहोरलाई संकलन गर्न स्कुलले नै विद्यार्थीलाई त्यहाँ लगेको थियो । स्कुलका संस्थापक प्रिन्सिपल भक्त राजभण्डारीले विद्यार्थीलाई फाहोर गर्नु हुँदैन भन्ने सन्देश दिन सरसफाई कार्यक्रममा सहभागी गराएको सुनाए ।
विद्यार्थीले फोहोर संकलन गरेको थाहा पाएर आगामी दिनमा त्यहाँ आउनेहरूले पनि फोहोर गर्न हुँदैन भन्ने सन्देश दिन पनि विद्यार्थीलाई यहाँ ल्याएको प्रिन्सिपलले सुनाए । विद्यार्थीले फोहोर संकलन गरेपछि त्यहाँ अहिले सफा देखिएको छ । विद्यार्थीले जथाभावी फालिएका फोहोर संकलन गरी नगरपालिकाले व्यवस्था गरेको खाल्डोमा ल्याएर जम्मा गरेका थिए । अव त्यो फोहोर नगरपालिकाको गाडीले लिन आउने जनाइएको छ ।
विद्यार्थीहरू स्कुलबाट स्कुलकै बसका आएका थिए । स्कुल र त्यो ठाउँबीचका दुरी करिव पाँच किलोमिटर दुरीका फरकमा छ । गुण्डुको यो मन्थली गाउँं भक्तपुरको सूर्यविनाक चोकबाट करिव दुई किलोमिटर दक्षिणमा पर्दछ । जंगलकोवीचमा सुन्दर, शान्त खुल्ला ठाउँ रहेकोले पछिल्लो समय त्यहाँ पिकनिक गर्न आउनेहरूको टोली वढ्दो रहेको जनाइएको छ । सरसफाईमा संस्थापक प्रिन्सिपल राजभण्डारीसँगै प्रिन्सिपल कमलादेवी राजभण्डारी, स्कुलका एकेडेमिक कोअर्डिेनेटरहरू, इन्चार्जहरू, शिक्षकशिक्षिकाहरू, कर्मचारीहरू गरी एक दर्जन पुगेका थिए । उनीहरूले सरसफाईका लागि चाहिने पञ्जा, बाल्टिन, च्वाफी, शिशाहरू उठाउन ब्रुसहरू साथमा लिएर गएका थिए ।
