काठमाडौं – लभ र सस्पेन्स स्टोरीमा तयार भएको सर्ट मुभी ‘किन’को टाइटल गीत सार्वजनिक भएको छ । गणेश उप्रेदी, केदार उप्रेदी, सन्तोष राम्दम, सिदार्थ बिस्व र मिस नेपाल नर्थ अमेरिका गरिमा ज्ञवालीले अभिनय गरेको चलचित्र रिलिज हुने तयारीमा छ ।
उक्त चलचित्रको सर्वजनिक गीतमा स्वप्न सुमनको स्वर, उत्पल कँडेलको संगीत र सौरभ तिमिल्सिनाको शब्द सुन्न सकिन्छ । सिदार्थ विश्वको लेखन, निर्देशन र सम्पादन गरेको चलचित्रमा नारायण उप्रेदीको सह–निर्दशन बिष्णु मिश्रको मेकअप अशोक भुजेलको छायाँकन रहेको छ ।
चलचित्रलाई राम्रो बनाउन सम्पूर्ण टिमले मेहनत गरेको र उक्त कुरालाइ दर्शकले रुचाउने निर्देशक विश्वको भनाइ छ । उनले यसअघि ‘तिमी र म’, ‘२०२०’ लगायतका छोटो चलचित्र रिलिज गरिसकेका छन् । तिम्रो मेरो पोडक्सनको ब्यानरमा निर्माण भएको चलचित्रको सार्वजनिक गीतलाई सामाजिक संजालमा शेयर गर्ने मध्य एक जना भाग्यशलीलाई आइफोन १३ प्रदान गर्ने बताएको छ ।
