काठमाडौं– गायिका रेश्मा बमजनको नयाँ सेलो गीतको म्युजिक भिडियो ‘मूगाको माला’ सार्वजनिक गरिएको छ । गीतको म्युजिक भिडियो बुधबार काठमाडौंमा एक कार्यक्रम गरी सार्वजनिक गरिएको हो ।
गीतमा बमजनको स्वरमा रहेको छ भने शब्द कुमार स्याङ्बा, सङ्गीत चन्द्रकुमार दोङ, एरेन्ज फणिन्द्र राई र मिक्सिङ दिपेश प्रधानको रहेको छ ।
गीतमा युवराज वाईबाको निर्देशनमा तयार पारिएको भिडियोमा सागर प्रधानले छायाङ्कन र विकेश दाहालले सम्पादन रहेको छ । भिडियोमा निरान्जली, कुन्सङ र रजनीले फिचरिङ गरेका छन् । सेलो गीत सङ्गीतको क्षेत्रमा एउटा कोसेली थपेको गायिका बमजनले बताइन् । पद्मकन्या क्याम्पसबाट बिम्युज गरेकी गायिका बमजनले यसअघि यो कान्छीको, के सारो हेरेको, डम्फु र सेलो, सोल्टिनी मैच्याङ, तामाङकी चेली, गोरी गोरी मैच्याङ‘, अम्मैले होइ‘लगायतका गीतहरूमा आफ्नो सुमधुर आवाज दिइसकेकी छिन् । कार्यक्रममा गायक चन्द्रकुमार दोङ, संजीब वाइबा लगायत उपस्थित रहेका थिए ।
