काठमाडौं — नेपाली सांगीतिक क्षेत्रका चर्चित गायक राजेशपायल राईमाथि अमेरिकाको न्युयोर्कमा दुव्र्यवहार भएको छ । अंग्रेजी नयाँ वर्षको अवसरमा सांगीतिक कार्यक्रम प्रस्तुती गर्न न्युयोर्क पुगेका राजेशपायलमाथि दुव्र्यवहार भएकामा सर्वत्र आलोचना भएको छ ।
शुक्रबार राती न्यूइयर ईभका सांगीतिक प्रस्तुती दिइरहेकै बेला एक जना व्यक्ति स्टेजमा प्रवेश गरेर राजेशपायलमाथि पछाडिबाट हातपात गरेको भिडियो सामाजिक सञ्जालमा भाइरल भएको छ । भिडियोमा कन्सर्टमा गीत गाइरहेका बेला एक दर्शक स्टेजमा चढ्छन् । राईमाथि ती दर्शकले पछाडिबाट न्याक्दै हातपातको प्रयास गर्छन् । यद्यपि अन्य दर्शकले ती व्यक्तिलाई त्यहाँबाट बाहिर निकालेको देखिन्छ । यद्दपि उनलाई कुटपिट हुनबाट दर्शकले जोगाएको देखिन्छ ।
अहिले सामाजिक सञ्जालमा हातपातको भिडियो भाइरल भएको छ । कतिपय गायक राईमाथि हातपात हुनुमा व्यवस्थापकको कमजोरी रहेको औँल्याएका छन् । नयाँ वर्ष २०२२ का अवसरमा आयोजित कार्यक्रममा सांगीतिक प्रस्तुतिका लागि उनी बुधबार न्यूयोर्कमा पुगेका हुन् । गायक राजेशपायलमाथि हातपात कसले र किन गर्यो भन्नेबारे खुल्न बाँकी छ । तर, राजेशपायलका फ्यान तथा नेपाली कलाकारहरूले उक्त घटनाप्रति भत्र्सना गर्दै दोषीमाथि कारबाही गर्न माग गरिरहेका छन् ।
