काठमाडौं — आफ्नो देशमा कुनै सम्भावना नदेखेपछि रोजगारको लागि विदेशप्रति आकर्षित बनेको बेरोजगार युवा जमातलाई बिभिन्न देशमा पठाइदिन्छु भन्दै मोटो रकम असुल्ने गरेको बेला बेला समाचारहरू आइरहेका हुन्छन् ।
यस्तै कथावस्तुमा शर्ट फिल्म ‘मेनपावर’ निर्माण भएको छ । उक्त शर्ट फिल्ममा बेरोजगार युवालाई आश्वासन दिँदै विभिन्न शोषणसम्म हुने गरेको कथावस्तु समेटिएको छ । ओएसआर डिजिटलको युट्युव च्यानलमार्फत सार्वजनिक भएको उत्तः शर्ट फिल्ममा मार्मिक र चेतनामूलक छ । ‘मेनपावर’मा अहिलेकी चर्चित मोडल साक्षी लम्साल र सुशील पोखरेलको मुख्य भुमिका रहेको छ । साथमा, बीरेन्द्र प्रेमसी, रमेश मोन्रे, पुष्पा अवस्थी, सुजन पोखरेल, राजकमल खरेल, रोशनी श्याङ्गेलगायतका कलाकारको अभिनय रहेको छ । यसको निर्देशक उत्तम सञ्जेल हुन् ।
