काठमाडौं — लामो अन्तरालपछि मोडल सोनिका रोकाया एक म्युजिक भिडियोमा देखिएकी छन् । कुनै समय विवादित युटुबरको रूपमा चिनिएकी सोनिका प्रनय क्याडी श्रेष्ठ र बेनिशा पौडेलको स्वर रहेको ‘तिमीलाई देखेर’ बोलको गीतको भिडियोमा देखिएका हुन् ।
उक्त गीतमा प्रनय क्याडी श्रेष्ठकै शब्द, संगीत र संगीत संयोजन रहेको छ । क्याडी इन्टरटेन्मेन्टको प्रस्तुती रहेको गीतको भिडियोमा सोनिकाले निकै बोल्ड दृश्य दिएकी छन् । भिडियोमा वैँशालु उमेरमा एक अर्काको प्रेममा पर्दापर्दै रोमान्टिक बनेका एक जोडीको रोमाञ्चक दृश्यलाई निर्देशक मिमोह के श्रेष्ठले बोल्ड रूपमा उतारेका छन् । भिडियोको छायाँकन अनिल के मानन्धरले गरेका हुन् भने सम्पादन विकास धमलाले गरेका हुन् ।
