काठमाडौं- अफ्रिकी कप अफ नेसन्समा आइभरी कोस्टले विजयी सुरुआत गरेको छ । समूह ‘ई’ मा रहेको उसले बुधबार राती भएको खेलमा इक्वाटोरियल गिनीलाई १–० गोल अन्तरले पराजित गरेको हो ।
आइभरी कोस्टलाई जित लिलाउन ग्राडेलले गरेको एक मात्रै गोल निर्णायक बन्यो । उनले खेलको पाँचौ मिनेटमा गरेको गोल गर्दै टोलीलाई अग्रता दिलाएका थिए । त्यस पछिको समयमा दुवै टोलीबाट गोल हुन सकने र आइभरी कोस्टले महत्वपूर्ण ३ अंक जोड्न सफल भयो ।
लिड्सका फरवार्ड ग्राडेलले २० यार्डबाट गरेको प्रहारले दुई पटकका विजेता आइभरी कोस्टलाई अग्रता दिलाएको थियो । गिनीले बराबरी गर्ने अवसर प्राप्त गरेपनि इबान साल्भाडोरले सात यार्डबाटै गोलपोल्ट बाहिर प्रहार गरेका थिए ।
