काठमाडौं — गायन रियालिटी शो ‘द भ्वाइस किड्स’को उपाधि जेनिश उप्रेतीले जितेका छन् । शनिबार राति सम्पन्न ग्राण्ड फिनालेमा जेनिशले उपाधि जितेका हुन् । यो कार्यक्रम हिमालय टिभीमा शुक्रबार र शनिबार प्रशारण हुँदै आएको थियो ।
अन्तिम प्रतिस्पर्धामा पुगेका ८ जनामध्येबाट जेनिशले ‘द भ्वाइस किड्स’को उपाधि जितेका हुन् । उपाधिसँगै जेनिशले ‘द भ्वाइस किड्स’को ट्रफी, १५ लाख रूपैयाँ र विभिन्न गिङ्खट ह्याम्पर जितेका छन् । उपाधि जितेपछि जेनिशले भने, ‘मलाई परिवारले एकदमै साथ दिनुभएको छ ।
मलाई गाइड गर्ने सबै कोचहरूलाई पनि म धेरै धन्यवाद दिन चाहन्छु ।’ ६ वर्षदेखि १४ वर्षसम्मका बालबालिकाहरूको सहभागिता रहेको योे रियालिटी शोमा कोचको रूपमा प्रमोद खरेल, राजु लामा, मिलन नेवार र प्रविशा अधिकारी रहेका थिए । २० भागसम्म चलेको यो शोलाई दर्शकले रुचाएका थिए ।
