काठमाडौं — नेपाली पाश्र्व गायनमा लोकप्रिय गायक उदितनारायण झाको स्वर रहेको नयाँ गीत भिडियो सार्वजनिक गरिएको छ । नेपाली चलचित्रका गीतहरूमा स्वर दिएर चर्चित बनेका झाको केही समयको अन्तरालमा यो गीत सार्वजनिक भएको छ ।
डा.प्रकाश पौडेलको शब्द रचना रहेको गीतमा संगीत राज सागरको रहेको छ। ‘स्वतन्त्र मन’ बोलको रोमान्टिक गीतमा अभिनेता आर्यन सिग्देल र अभिनेत्री वर्षा राउत फिचर्ड छन् । राजन इशानको संगीत संयोजन रहेको गीत सुमधुर बनेको छ। डा.प्रकाश पौडेलको शब्दलाई संगीतकार राज सागरले न्याय दिन सफल बनेका छन् । गीतको अडियो अनुसार भिडियो पनि उत्कृष्ट बनेको छ ।
बिजेश र राजनले निर्देशन गरेको भिडियोलाई शिबराम श्रेष्ठले छायाँकन गरेका छन् । सार्वजनिक भिडियोलाई बिजेश पौडेलले सम्पादन तथा कलर गरेका छन् । सार्वजनिक भिडियोमा सुरेश काङ्खले ड्रोन पाइलट रहेका छन् । भिडियो डिआरपीपी क्रियसनको अफिसियल च्यानलमार्फत सार्वजनिक गरिएको छ ।
