काठमाडौं — कलाकारिता क्षेत्रमा झण्डै दशकभन्दा बढी बिताइसकेकी सिर्जना निङ्लेखुको अभिनय रहेको ‘फूलहरू मगमग’को भिडियो सार्वजनिक भएको छ । गायिका मेलिना राईको स्वर रहेको गीतको भिडियो बेलायतका रमणीय स्थानहरूमा छायांकन गरिएको छ ।
रेडियो, टेलिभिजन कार्यक्रम प्रस्तोताको लामो अनुभव बटुलिसकेकी सिर्जनालाई थिएटर, रंगमञ्च, भ्लग हुँदै व्यवसायसम्मको अनुभव संगालीसकेकी छन् । उनी पछिल्लो समय विवाह गरेर बेलायत पुगेकी छन् । त्यहाँ रहेर पनि उनले विभिन्न भिडियोमा मोडलिङ गर्दै आएकी छन् । ‘फूलहरू मगमग’को भिडियो बजारमा आएसँगै उनलाई हौस्याउनेहरू बढेको उनी बताउँछिन् ।
सार्वजनिक भिडियोमा गज्जबसँग खुलेकी सृजनाले आफुलाई प्रकृतिसँग तुलना गर्दै आङ्खनो सुन्दरताको वर्णन आफै र आङ्खनो भावना प्रकृतिसँग पोखेकी छन् । कन्चन थलङ लिम्बुको शब्द तथा संगीत रहेको गीतको भिडियोलाई कुशल श्रेष्ठले निर्देशन गरेका हुन् भने भिडियोमा निर्देशक श्रेष्ठकै छायाँकन र सम्पादन रहेको छ ।
प्रवासबाट सर्वाधिक धेरै र स्तरिय भिडियो निर्माण गर्ने निर्देशकको परिचय बनाएका निर्देशक कुशलले अन्य थुप्रै भिडियो एवं चलचित्रसमेत छायाँकन गरेका छन्
