काठमाडौं – गायक बिक्रम कालिकोटे र गायिका सुचिता खातीको स्वरमा रहेको नयाँ गीत भिडियोसहित सार्वजनिक गरिएको छ । ‘झम्के साँझैमा’ बोलको उक्त लोक तथा दोहोरी गीतमा अमृत खातीको शब्द रचना तथा संगीत रहेको छ । कमल सौरागको संगीत संयोजन रहेको गीत नाचौं नाचौं लाग्ने खालको बनेको छ । लोक दोहोरी गीत सुन्ने र हेर्ने दर्शकका लागि यो गीतले भरपुर मनोरञ्जन दिने गायक÷गायिकाले अपेक्षा गरेका छन् ।
काजिश श्रेष्ठले निर्देशन गरेको भिडियोमा मुकेश हुमागाईंको छायाँकन र अमृत चापागाईंको सम्पादन रहेको छ । भिडियोमा सन्जीव ठकुरी र रुविना अधिकारी फिचर्ड छन् । भिडियो डिएआर मुभिजको अफिसियल यु ट्युब च्यानलमार्फत सार्वजनिक गरिएको हो ।
