काठमाडौं — ‘उ जितेर गई या हारेर गई’ जस्ता चर्चित गीतका गायक राज सिग्देलको नयाँ गीत तथा भिडियो सार्वजनिक गरिएको छ । बिनम खत्रीको शब्द सिर्जना रहेको उक्त गीतमा मनराज गुरुङको संगीत रहेको छ ।
लामो समयदेखि प्रेममा रहेका जोडीको ब्रेकअप र प्रेममा आएको उतार–चढावपछि प्रेमीले भोगेको परिस्थितिलाई भिडियोमा निर्देशक मनराज प्ल्हेमे गुरुङले कलात्मक शैलीले देखाएका छन् । जापानका विभिन्न रमणीय स्थानहरूमा छायाँकन गरिएको म्युजिक भिडियोमा अनु मगर, योकृश सुवेदी, राम खत्री र सिबा सुवेदी गल्कोटे साइलोको अभिनय देख्न सकिन्छ ।
समय र परिस्थितिमा रुमालिएको विवश मायाको कथालाई रोजगारीको सिलसिलामा जापानमा रहेका नेपाली युवाहरूको समुहले बजारमा ल्याएको उक्त भिडियोको छायाँकन र सम्पाद विनम खत्रीले गरेका हुन् । रोजगारीको सिलसिलामा प्रवासमा रहेर पनि नेपाली कला साहित्य र संस्कृतिको उत्थान र प्रर्वद्धनमा लागिपरेका यी युवाको यो पछिल्लो प्रस्तुती हो ।
