काठमाडौं — बलिउड अभिनेता नवानुद्दीन सिद्धीकी एक फिल्ममा आइटमगर्ल रूपमा देखिने भएका छन् । सिद्धीकी फिल्म ‘टीकु वेड्ट शेरु’मा आइटम गर्लको रूपमा देखिन लागेको भारतीय मिडियाले उल्लेख गरेका छन् ।
अभिनेता सिद्धीकीले फिल्मका लागि फन्नी महिलाको लुक्स बनाएका छन् । उनको महिला लुक्स तस्बिर अभिनेत्री कंगना रनौटले सामाजिक सञ्जालमार्फत शेयर गरेकी छन् । जुन तस्बिर सामाजिक संजालमा अहिले ‘भाइरल’ बनेको छ । तस्बिरसँगै कंगनाले लेखेकी छन्, ‘सो हट’ । अभिनेत्री कंगनाले गत वर्ष फिल्म ‘टीकु वेड्ट शेरु’ घोषणा गरेकी थिइन् । जसको सुटिङ हाल भइरहेको छ । कंगनाकै प्रोडक्सन हाउस मणिकर्णिका फिल्मस्को ब्यानरमा निर्माण हुने फिल्म साई कविरले निर्देशन गरिरहेका छन् ।
कंगनाको अभिनेता इरफान खानसँग यो फिल्म गर्ने इच्छा थियो । तर, इरफानको निधन भएपछि नवानुद्दीनसँग काम गरेकी हुन् । फिल्ममा अवनीत कौरको समेत मुख्य अभिनय रहने बताइएको छ ।
