काठमाडौं – ‘पिरिम नलाउने’, ‘एक कान दुई कान मैदान’, ‘गलबन्दी पछ्यौरी’लगायत हिट गीतका गायक आशिष सचिन गौतमको नयाँ गीत ‘सानो–सानो कुरामा’को भिडियो सार्वजनिक गरिएको छ ।
डान्सिङ शैलीका गीतहरू बजारमा ल्याएर लोकप्रियता कमाइरहेका गायक आशिषकै स्वर रहेको सार्वजनिक मेलोडी गीत सानो सानो कुरामा सन्तोष सुनुवारको शब्द तथा संगीत सिर्जना रहेको छ ।
शुक्रबार सार्वजनिक गरिएको भिडियो भारतको आसाममा छायाँकन गरिएको हो । पारिवारिक प्रेमकथामा आधारित सानो–सानो कुरामा आशिषसँग आसामकी सुन्दरी मोडल जुनु नाथको अभिनय देख्न सकिन्छ ।
भिडियोमा आशिष र जुनलाई भर्खरै विबाह गरेको एक प्रेमील जोडीका रूपमा देखाइएको छ । उनीहरूबीचको ‘मिस अन्डस्टर््यान्डिङ’ भित्रको गहिरो प्रेमलाई कलात्मक शैलीमा भारतीय निर्देशक रिन्तु चौधरीले निर्देशन गरेका हुन् ।
फरक शैलीको भिडियो भएका कारण दर्शक स्रोताले नयाँ स्वाद लिने कुरामा आशिष विश्वस्त छन् । मानस कास्यपको सम्पादन रहेको भिडियोको छायाँकन बितुल दासले गरेका हुन् । जसको निर्माण एट के एभरेस्ट मोसन पिक्चर्सले निर्माण गरेको हो ।
