काठमाडौं(प्रस)– काठमाडौं महानगरपालिका–३२ नरेफाट मनोहरा करिडोरबाट सर्लाही घर भएका २० वर्षीय अर्जुन मण्डल लगायत २ जनालाई नियन्त्रित लागुऔषध ३ सय एम्पुल नुर्फिन, ३ सय एम्पुल फेनारगन र ३ सय एम्पुल डाइजेपामसहित शनिबार प्रहरीले पक्राउ गरेको छ । उक्त स्थानमा लागूऔषधको कारोबार भइरहेको भन्ने सूचनाको आधारमा महानगरीय प्रहरी प्रभाग कोटेश्वरबाट खटिएको प्रहरीले उनीहरूको साथबाट उक्त लागुऔषध फेला पारी
पक्राउ गरेको हो ।
यसैगरी काठमाडौं चन्द्रागिरि नगरपालिका–२ नागढुंगाबाट नियन्त्रित लागुऔषध ६ सय एम्पुल डाइजेपाम, ६ सय एम्पुल फेनारगन र ६ सय एम्पुल नुर्फिन सहित रौतहट इसथान गाउँपालिका–९ बस्ने २१ वर्षीय संजय कुमार महतोलाई शनिबार प्रहरीले पक्राउ गरेको छ ।
