यतिबेला मुलुकको राजनीति जटिल मोडमा छ । देशैं असफल पार्ने अभियानमा प्रमुख दलहरू सक्रिय भएको देखिन्छ । प्रमुख दलका नेताहरूको क्रियाकलापले यस्तै अनुभव भइरहेको छ । हामीले नेपाल जोगाउनको लागि आम जनताले नजर लगाएर विचार गर्नुपर्ने अवस्था छ । प्रमुख दलहरू आङ्खनै सत्ता स्वार्थमा मात्र लागिरहेको देखिन्छ । देशको माया उनीहरूलाई रहने छ । कार्यपालिका, न्यायपालिका व्यवस्थापिका यि तिनै निकाय विभिन्न बाहनामा असफल हुँदै गएको देखिन्छ । यसरी हेर्दा अब जनताले विकल्प खोज्नु पर्ने तड्कारो आवश्यकता देखिएको छ । असफल भएका दलहरूलाई हामी आम जनताले तिरस्कृत गर्ने बेला आएको छ । जनता अब अन्धो छैनन् भन्ने प्रमुख दलका नेताहरूले बुझे हुन्छ । जनतालाई झुक्याउने, भ्रम फैलाउनेदेखि बाहेक उनीहरूबाट कुनै काम भएको छैन । यहाँ नेकपा एमाले होस, नेपाली कांग्रेस होस् या नेकपा माओवादी केन्द्रलगायत सबै प्रमुख दलहरूका विचार र सिद्धान्त सत्ताका लागि मात्र रहेछ भन्ने प्रमाणित भइसकेको छ । नेताहरूले राज्यका ढुकुटीमा ब्रम्हलुट गरिरहेका छन् । अब त्यो सबै छानबिन हुनुपर्छ भन्ने जनआवाज आइरहेको छ । यसलाई, सकारात्मक रूपमा लिनु पर्छ ।
मैले उधुमै विकास गरे भनेर एमाले अध्यक्ष तथा पूर्वप्रधानमन्त्री केपी ओली भ्रम फैलाइरहेका छन् । वर्तमान प्रधानमन्त्री तथा कांग्रेस सभापति शेरबहादुर देउवाको स्थिति पनि त्यस्तै छ । माओवादी केन्द्रका अध्यक्ष पुष्पकमल दाहाल प्रचण्डले पनि दोहोरो कुरा गरेर जनतामा भ्रम फैलाई रहेको छन् । नेकपा एकीकृत समाजवादीका अध्यक्ष माधवकुमार नेपाल पनि घरभडुँवा हुन् । जनताले अनिवार्य रूपमा पाउनु पर्ने गाँस, बास, कपास खोजिरहेका छन् । गाँस, बास र कपास जनताको मौलिक हक हो । तर, यतातिर प्रमुख नेताहरूको ध्यान पटक्कै दिएको हैन । आफैँ मात्र बनौँ, आफैँ मात्र खाउँ, आङ्खनै सन्तानलाई मात्र सुख सयल दिउँ भन्नेमा प्रमुख दलका नेताहरू तल्लीन छन् । देशव्यापी रूपमा भ्रष्टाचार छ, नेताहरूले नै भ्रष्टहरूको संरक्षण गरिरहेका छन् ।
वर्तमान सरकारले विभिन्न निकायमा भइरहेको भ्रष्टाचारका बारेमा एकरति पनि ध्यान दिएको छैन । स्वदेशमा रोजगारी नपाएर लाखौँलाख होनाहार युवा विदेशिनु परिरहेको छ । महँगी व्यापक रूपमा बढिरहेको छ । प्रधानमन्त्री, मन्त्रीदेखि प्रमुख नेताहरू यसमा मौन बसिरहेका छन् । सरकारले विभिन्न अवस्थामा परेर घरवारविहीन भएकालाई उचित राहत दिएको छैन । उनीहरूलाई रोजीरोटीको ग्यारेन्टी गरिएको छैन । जनताले खानलाई सिस्नोसम्म नपाउने अवस्था छ । यसरी मूल्याङ्कन गर्दा देश सरकारसँगै असफल भएको स्पष्ट हुन्छ ।
विदेशबाट आएको सहयोग पनि विभिन्न बाहानामा दुरूपयोग गरी नेताहरूले महल ठड्याइरहेका छन् । आफन्त, पोसिरहेका छन् । जनता झनै पीडामा छन्, दुःख भोगिरहेका छन् । उनीहरूले जनतालाई भने आश्वासनबाहेक केही दिएका छैनन् । हामी राम्रो गर्छौँ भनेर जनतालाई उनीहरूले भ्रम छरिरहेका छन् । देउवा सरकारको यो करिब ६ महिने कार्यकालमा कुनै पनि क्षेत्रमा राम्रो भएको छैन । सरकारले न बिरामी हेरेका छन् । विदेशमा भएका नेपाली कयौँ ठाउँमा अलपत्र परिरहेका छन् । कलकारखाना विभिन्न बाहानामा बेचिसके, बेचिरहेका छन् । यो अवस्थामा देउवाको खोइ त ध्यान पुगेको ? भत्केका मठमन्दिर बनाउन सरकारको ध्यानाकर्षण भएको छैन । नेपालको प्रधानमन्त्री भएर नेपालकै माया गर्दैनन्, धर्म संस्कृतिको माया गर्दैनन्, मठमन्दिरको पुनर्निर्माणमा ध्यान दिँदैनन् भने देउवामाथि औँला ठह¥याउनुलाई अस्वभाविक मान्न सकिन्न । यसरी हेर्दा देउवा सरकार मुलुकको जल्दाबल्दा विषयमा गम्भीर नभएको देखिन्छ ।
यसै मेसोमा देशैभर कोरोना भाइरसको संक्रमण फैलिरहेको देखिन्छ, तर खोप ल्याउँदासमेत घोटाला भएको सार्वजनिक भइसकेको छ । कोरोना नियन्त्रण गर्न जनमानससमेत सजग हुनुु पर्ने अवस्था छ । कोरोना नेपालमा मात्र होइन, विश्वभर फैलिरहेको छ, त्यसैले आफूले कसरी हुन्छ कोरोनालाई नियन्त्रण गर्नु पर्ने अवस्था छ ।
यसैबीच राप्रपाका पूर्वअध्यक्ष कमल थापाले राप्रपा छोड्दा हामी अत्यन्त दुःखित भएका छौँ । राष्ट्रिय प्रजातन्त्र पार्टी नेपालकै अध्यक्ष उहाँ हुँदा, उहाँले गरेको त्याग, तपस्या र कार्यहरूले गर्दा राप्रपा नेपालको पक्षमा जनलहर आएको हो । ‘एक गाई एक दाइ’ भनेर जनताले राप्रपा नेपाललाई सम्मानजनक स्थितिमा पु¥याउनुभयो । राप्रपा र राप्रपा नेपाल एकीकरण भएपछि पनि उहाँले पार्टीलाई माथि उठाउन, सशक्त भूमिका खेल्नु भएकै हो । उहाँले महाधिवेशनमा आङ्खनो हारको प्रमुख कारण निर्मल निवासको सचिवालयबाट हो भन्ने बताई रहनु भएको छ । यो कुराको पार्टीमा छलफल होस् भनेर अध्यक्ष राजेन्द्र लिङदेनलाई दुुई पटक पत्र पठाउँदा कुनै सुनुवाइ भएन भनेर उहाँले दुःख मान्दै पाटी परित्याग गर्ने बाध्यता आयो भन्नुु भएको छ । निवर्तमान अध्यक्ष कमल थापासँग छलफल गर्न तयार छु भन्दाभन्दै उहाँले पार्टी छोड्नुभयो भनेर बताइरहनु छ, अध्यक्ष लिङदेनले । यस प्रकरणमा कोही कसैको धेरै कमजोरी होला, तर समग्रमा कमजोरी दुवै पक्षबाट भएको कुरालाई स्वीकार गर्नुपर्छ । यो अवस्थामा कमल थापाले पार्टी छोड्दा हामी राप्रपामा आस्थावान नेता तथा कार्यकर्ताहरू अत्यन्त दुःखित छौँ । दशकौदेखि उहाँले पार्टीमा पु¥याउनु भएको योगदानको स्मरण गर्नुपर्छ । उहाँ राप्रपामै रहेको भए हामी सबैलाई राम्रो हुने थियो ।
केही समय अघि भएको राष्ट्रिय प्रजातन्त्र पार्टीको ऐतिहासिक महाधिवेशनले राजासहितको प्रजातन्त्र र हिन्दू राज्य चाहिन्छ भनेर प्रमुख एजेण्डाको रूपमा त्यसलाई पारित गरेको छ । अब महाधिवेशनले दिएको सन्देश लिएर हामी गाउँ–गाउँ, टोल–टोल जाने बेला आएको छ । हामी संगठित भएर चुनावमा भाग लिनु पर्छ । जनता हामीप्रति आकर्षित छन्, जनताको अभिमतलाई खेर फाल्न दिनु हुँदैन । यस्तो बेलामा हामीले हालै पार्टी परित्यागको घोषणा गर्नुभएका पूर्वअध्यक्ष कमल थापाले सधैं स्मरण गरिरहने छौँ । उहाँ अभाव संघर्षको मैदानमा सधैं खड्किरहने छ । त्यसले उहाँलाई राप्रपाको केन्द्रीय सदस्यको हैसियतले पार्टी परित्याग गर्ने निर्णयलाई पुनर्विचार गर्न आग्रह गर्छु ।
महाधिवेशनपछि राप्रपा अध्यक्ष राजेन्द्र लिङदेनले पार्टी संगठन बनाउन लागिरहनु भएको देखिन्छ । यसमा हामीले पनि साथ र सहयोथ दिइरहेका छौँ । हाम्रो प्रमुख एजेण्डा हिन्दू राज्य र राजसंस्था हो, यसमा हामीहरू दृढ भएर लागिरहेका छौँ ।
यतिबेला मुलुकभर अमेरिकी सहयोग मिलेनियम च्यालेन्ज कर्पोरेसन (एमसिसी)को चर्चा परिचर्चा छ । एमसिसी भनेको के हो, हामी त्यसको व्याख्या गर्न सकिरहेको छैनौँ, विशेषज्ञ र जानकारहरूले भनेको कुरा सुन्दा एमसिसी नेपालमा बिल्कूल ल्याउनुहुन्न । एमसिसी नेपालको हितमा छैन । एमसिसी ल्याएपछि अमेरिकाले हाम्रो राष्ट्रलाई दबाबमा राख्छ भन्ने सुनिन्छ । अमेरिका एमसिसीको आवरणमा नेपाललार्ई उसको सुरक्षा छाताभित्र राख्न चाहन्छ भन्ने कुरा उसले यतिबेला एमसिसी पारित गर्न प्रधानमन्त्रीदेखि प्रमुख नेताहरूलाई दिएको दबाबले प्रमाणित गर्छ । देउवा, दाहाल, ओली, माधव, डा. बाबुराम भट्टराई, यी सबै मिलेर एमसिसीलाई गुपचुप पारित गर्न चाहन्छन् भन्ने देखिन्छ । जनतामा नगई एमसिसी पारित भए पनि हामी मान्नेवाला छैनौँ । एमसिसी हुनुपर्छ भनेर गुपचुप लागेका अरु नेताहरूदेखि पनि हामी सजग हुने बेला आएको छ ।
यसै मेसोमा राप्रपा स्थानीय तहको निर्वाचनमा देशैभर भाग लिने तयारीमा छ । निर्वाचनको तयारी र परिचालनको लागि हाम्रो पार्टीले समितिसमेत गठन गरिसकेको छ । हामी हिन्दू राज्य र राजसंस्थालाई प्रमुख एजेण्डाको रूपमा जनतामाझ राख्छौँ । मलाई लाग्छ, स्थानीय तहको निर्वाचनमा राप्रपाको स्थिति अत्यन्त राम्रो हुनेछ । यो भन्नुको प्रमुख कारण देउवा, ओली, दाहाल, बाबुराम, माधव नेपाल प्रधानमन्त्री भए तर उनीहरू सबैले जनताको लागि राम्रो काम नगरेकाले अब राप्रपालाई हेर्नुपर्छ भनिरहेका छन् । देश बचाउन राप्रपालाई भोट दिएर ठूलो पार्टी बनाउन पर्छ भनेर जनआवाज आइरहेको हो, यो स्वभाविक छ ।
(लेखक गंगा विश्वकर्मा राप्रपाको केन्द्रीय सदस्य हुुनुहुन्छ ।)
प्रकाशित मिति: सोमबार, फागुन २, २०७८ ०६:०२
