काठमाडौं — पछिल्लो समय लकडाउन कारण गायक हेमन्त शर्माको दैनिकी फुर्सदिलो बनेको थियो । त्यही फुर्सदको समयलाई उनले आङ्खनो डायरीका पुराना पानाहरू पल्टाए । सोक्रममा एउटा पृष्ठमा गएर उनको आँखा रोकियो । त्यसमा थियो आफैँले लेखेको ‘भन मेरो मालिक’ बोलको गीत ।
उनका अनुसार झन्डै ४ वर्ष अघिबाट आङ्खना सिर्जना आङ्खनै युट्युबमा सार्वजनिक गर्दै आएका
शर्माले गीत सार्वजनिक नगरेको केही समय भएको थियो ।
युट्युबलाई चलायमान बनाउन पनि गीत रेकर्ड गर्नुपर्छ भनेर सोचिरहेका बेला आँखामा परेको गीत रेकर्ड गर्ने निधो गरे । अनि गीतमा संगीत भरे र रेकर्ड गराए ।
उक्त गीतका लागि उनले गायिका एलिना चौहानलाई रोजे किनकि उनले पछिल्लो केही गीतमा गायिका चौहानसँग सहकार्य गरेका थिए । उनले भने, ‘एलिनासँग यो गीतमा पनि सहकार्य गर्ने सोच आयो, त्यसपछि उनैलाई लिएँ ।’ गीतमा संगीत संयोजन श्यामस्वेत रसाईलीले गरेका छन् । उक्त गीतको म्युजिक भिडियो गायक शर्माले गत यही गएको बिहीबार सार्वजनिक गरेका छन् ।
गीतको म्युजिक भिडिओमा लोसिना लामिछाने र नरेशबीर सिंहले अभिनय गरेका छन् । दीपकमान सिंहले निर्देशन गरेको भिडिओका दृष्य अजय रेग्मीले खिचेका हुन् । भिडियो सम्पादन भने मिलन विश्वकर्माले गरेका छन् । अहिले गीतको राम्रो प्रतिक्रिया आइरहेको उनको भनाइ छ ।
