काठमाडौं –सागर लम्साल ‘बले’ अभिनित ‘कहानी एकादेशको’ बोलको म्युजिक भिडियो सार्वजनिक भएको छ ।सोमबार काठमाडौँमा एक कार्यक्रमकाबीच ‘भ्यालेन्टाइन्स डे’ को अवसर पारेर सामाजिक सन्देश बोकेको सागर लम्साल ‘बले’ अभिनित ‘कहानी एकादेशको’को म्युजिक भिडियो सार्वजनिक भएको हो ।
उक्त गीतको भिडियो सार्वजनिक गर्नु पुर्व नै चर्चा पाएको थियो । छायांकनको क्रममा पञ्चेबाजा बजाउने क्रममा सागरको नाकबाट रगत नै बगेको थियो । उक्त क्लिपले निकै चर्चा पाएको थियो । दीपक प्रसाद आचार्य ‘काकु’को निर्देशनमा बनेको एकादेशको कथा बोलको गीतको भिडियोमा सागर लम्साललाई सुप्रिया खनालले साथ दिएकी छन् । दीपकप्रसाद आचार्य, सन्देश लामिछाने, भावना आचार्य लुरी,शालिकराम भण्डारीलगायतकाको अभिनय रहेको छ ।
गीत सार्वजनिक कार्यक्रममा बोल्दै निर्देशक दीपक प्रसाद आचार्य ‘काकु’ले सागर लम्साल ‘बले’को अभिनयको प्रशंसा गर्दै आफुहरुको मिहनेतलाई सबैले रुचाउनेमा विश्वास व्यक्त गरेका छन् । दीपक सापकोटा ‘भान्जा’को शब्द संगीत रहेको गीतमा निशान भट्टराईको आवाज रहेको छ । चन्दन दत्तको रंग संयोजन तथा सम्पादन रहेको गीतको भिडियोलाई पवन सुस्लिङले खिचेका हुन् ।
https://www.youtube.com/watch?v=iPTPb33VP5M
