काठमाडौं– कोरोनाका सक्रिय सक्रमितको संख्या १९ हजारमा झरेको छ । नेपालमा कोरोना भाइरसका सक्रिय सक्रमितको संख्या १९ हजारमा झरेको स्वास्थ्य तथा जनसंख्या मन्त्रालयले जनाएको हो ।
मन्त्रालयका अनुसार पछिल्लो २४ घन्टामा थप एक हजार आठ सय ३५ जना निको भएका छन् । कोरोनाको तेस्रो लहरमा माघको मध्यतिर सक्रिय संक्रमितको संख्या झन्डै एक लाख जना पुगेको थियो ।
नेपालमा अहिलेसम्म नौ लाख ४२ हजार सात सय ३७ जना कोरोनाबाट निको भएका छन् । यस्तै २४ घन्टामा ६ सय ८० जनामा संक्रमण पुष्टि भएको छ ।सात हजार ९५ जनाको पीसीआर, आरडीटी र एन्टिजेन नमुना परीक्षण गर्दा ६ सय ८० जनामा संक्रमण देखिएको हो ।
यही अवधिमा थप दुई जनासहित कोरोना संक्रमणका कारण ज्यान गुमाउनेको संख्या भने ११ हजार नौ सय दुई जना पुगेको छ ।कोरोनाविरुद्धको खोप पछिल्लो २४ घटामा ४३ हजार आठ सय ८१ जनाले लगाएका मन्त्रालयले जनाएको छ ।
