काठमाडौं –गायक किरण पुन्जको स्वरमा पूजा शर्मा अभिनित ‘अन्तिम इच्छा’ सार्वजनिक भएको छ ।
शास्त्रीय गायनका प्रशिक्षक किरण पुन्जले करिब १२ वर्ष पछि आफ्नो बिल्कुलै नयाँ सांगीतिक सौगात ‘अन्तिम इच्छा’ सार्वजनिक गरेका हुन्।म्युजिक भिडियोमा नायिका पूजा शर्मा र नायक पुष्प खड्का फिचर्ड छन् ।
बुद्ध थापाले छायाँकन गरेको यस भिडियोमा विकाश धमलाको सम्पादन रहेको छ । निकेश खड्काको निर्देशनमा तयार पारिएको यस भिडियोलाई ‘ओएसआर डिजिटल’ नामक युट्युब च्यानलमार्फत सार्वजनिक गरिएको हो।
यहि गीत मार्फत गायक पुञ्जले गीत रेकर्डिङमा पुनरागमन गरेका हुन् । सेन्टिमेन्टल भर्सनको यस गीतमा गायक पुन्जका साथी राजेन्द्र वाइबाको शब्द, संगीत र संगीत संयोजन रहेको छ ।
https://youtu.be/vTutmtfE8Eg
