काठमाडौं – लोकप्रिय गायक राजु बिरही सापकोटा र नव गायिका प्रतिक्षा ढकालको आवाजमा रहेको लोक दोहोरी गीत ‘खोली बगर’को भिडियो सार्वजनिक भएको छ ।
अम्बिका विश्वकर्मा र रविन बराईलीको संयुक्त प्रतुतीमा रहेको सो गीतमा प्रेमीको रोमान्टीक कथा प्रस्तुत गरिएको छ ।
गीत रोमाञ्चक भए पनि आजकालको माया झुट हुने कुरा उक्त गीतको भिडियोमा देखिनेछ ।
राजु बिरही सापकोटा ,करिश्मा मगर र रबिन बराइलीको मुख्य अभिनय रहेको उक्त गीतमा उद्धव घिमिरेको लय र्सिजना रहेको छ भने शब्द रविन बराइलीको रहेको छ ।
मिलन श्रेष्ठको निर्देशनमा रहेको उक्त भिडियोमा सन्तोष तिमल्सिनाको छायाँकन तथा रोशन धितालको सम्पादन रहेको छ ।
उक्त गीतलाई मिलन फिल्मस प्रालीद्वारा बजार व्यवस्थापन गरिएको छ ।
