काठमाडौँ –दर्जनौं टेलिचलचित्र , चलचित्रमा निर्माण व्यवस्थापक एवं २ दर्जन भन्दा म्युजिक भिडियोमा अभिनय गरिसकेका सिद्दान्त शर्मा पौडेल अब गीतकार बन्दै ‘रैछौ बेइमानी’ सार्वजनिक गरेका छन् ।
नव गीतकार पौडेलले देवराज आले मगरको संगीत र लोकप्रिय गायिका प्रबिशा अधिकारीको आवाजमा समेटेर आफनो पहिलो गीत ‘रैछौ बेइमानी’ सार्वजनिक गरेका हुन् ।
बिछोडको भाव बोकेको गीतमा संगीत संयोजन विशाल निरौलाले गरेका छन् । धुलिखेलको रमणीय स्थलमा छायांकन गरिएको गीतको भिडियोलाई विक्रम चौहानको निर्देशन गरेका हुन् ।
सो गीतमा अभिनेता धिरेन शाक्य,उमा श्रेष्ठ र निरिक्षा श्रेष्ठ फिचर्ड भिडियोमा प्रकाश खड्काको छायाँकन, मिलन बिस्वकर्माको सम्पादन रहेको छ ।
‘रैछौ बेइमानी’ को भिडियो सिद्दान्त सिने प्रोडक्सन हाउसको अफिसियल यु ट्युब च्यानलमार्फत सार्वजनिक गरिएको छ ।
