काठमाडौं– इंग्लिस प्रिमियर लिग फुटबलमा लिभरपुलले सानदार जित निकालेको छ । बुधबार राति भएको खेलमा लिभरपुलले लिड्स युनाईटेडलाई ६–० गोल अन्तरले पराजित गरेको हो ।
घरेलु मैदानमा भएको खेलमा लिभरपुललाई फराकिलो जित दिलाउन मोहमद सलाह र साडियो मानेले २-२ गोल गरे । जोएल माटिप र भिर्गिल भान डाइकले १-१ गोल गरे । खेलको १५ औं मिनेटमा सलाहले पेनाल्टीबाट गोल गर्दै लिभरपुललाई सुरुआती अग्रता दिलाएका थिए । खेलको ३० औं मिनेटमा माटिपले गोल गर्दै लिभरपुलको अग्रता दोब्बर बनाए । खेलको ३५ औं मिनेटमा सलाहले व्यक्तिगत दोस्रो गोल गरेपछि लिभरपुल ३-० ले अघि रह्यो ।
मानेले ८० औं मिनेटमा गोल गर्दै टिमको अग्रता ४-० को बनाए । ९० औं मिनेटमा सलाहले व्यक्तिगत दोस्रो गोल गर्दै टिमको अग्रता ५-० मा पुर्याए । त्यसपछि खेलको इन्जुरी समयमा भान डाइकले गोल गर्दै लिभरपुललाई ६-० को जित दिलाए ।
यो जितसँगै लिभरपुलले २६ खेलमा ६० अंक जोडेको छ । उ तालिकाको दोस्रो स्थानमा रहेको छ । लिभरपुल शीर्ष स्थानको म्यानचेस्टर सिटी भन्दा ३ अंकले पछि रहेको छ । पराजित लिड्स २३ अंक जोडेर १५ औं स्थानमा रहेको छ ।
