काठमाडौँ - एकताका टिकटक लगायत सबैतिर हिट हुन र सबैको मुखमा झुन्डिन सफल गीत तिमी बिना बाँच्दिन म भन्ने करोड क्लबमा आफ्नो स्थान बनाउन सफल भएको छ ।
मेलिना राईको स्वर तथा राज कुमारको शब्द र संगीतमा तयार भएको गीतको भिडियोलाई एक्का कम्पनीे युट्युब च्यानलबाट सार्वजनिक गरिएको हो ।
आजकल ठुला ठुला कलाकारलाई महँगो पारिश्रमिक दिएर , महँगो भिडियो बनाएर, पत्रकार सम्मेलन गरेर , लाँखौको बुस्ट गरेर गीत सार्वजनिक गरिने समयमा गीतले बिना अफिसियल म्युजिक भिडियो , बिना स्टार कलाकार , बिना बुस्ट तथा बिना महँगो खर्चमा ट्रेन्डिङको बाटो हुँदै युट्युबमा करोड भ्युज पाउन सफल भएको हो ।
गायिका मेलिना राई र संगीतकार राज कुमारको सहकार्यले यसअघि पनि म भन्दा नि जस्ता गीत बजारमा अाइसकेको छ । तिमी बिना बाँच्दिन म भन्ने गीतलाई तिमी गीतको निरन्तरताको रुपमा पनि हेरिएको छ । अहिले सुन्ने भन्दा हेर्ने जमाना हो भन्ने जमातलाई पनि गीत हिट हुन अडियो नै बलियो हुनुपर्छ भन्ने कुर्रालाई थप प्रमाणित यस गीतले प्रस्तुत गरेको छ ।
यसअघिको म भन्दा नि गीतले पनि बिना अफिसियल भिडियो र बिना बुस्ट युट्युबमा करोड भ्युज पाउन सफल भएको थियो ।दर्शक श्रोताको यो किसिमको माया र सफलताले भिडियो भन्दा बढी अडियोलाई जोड दिएर थप गीतहरु ल्याउने गीतकार तथा संगीतकार राज कुमारले बताएका छन्।
