काठमाडौं - अन्तरराष्ट्रिय नारी दिवसको अवसर पारेर ‘बुलाकी’ फिल्मको फस्र्टलुक पोस्टर सार्वजनिक गरिएको छ ।
मंगलबार अन्तरराष्ट्रिय नारी दिवसको अवसरमा दर्शकमाझ कौतुहलता पैदा गर्न ‘बुलाकी’ फिल्मको फस्र्टलुक पोस्टर सार्वजनिक गरिएको हाे ।
‘बुलाकी’ फिल्मको फस्र्टलुकमा अभिनेत्री सुरक्षा पन्तलाई मात्र प्रस्तुत गरिएको छ ।
कर्णाली भेगको जनजीवन,रितिथिति तथा संस्कृति समेटिएको फिल्मलाइ लक्ष्मण सुनारको निर्देशनमा टोपेन्द्र विष्टले निर्माण गरेका हुन् ।
स्व. मोति विष्टको प्रस्तुति रहेको फिल्म डोल्पा, जाजरकोट र रुकुमका विभिन्न स्थानमा खिचिएको जनाइएकाे छ ।
फिल्ममा सुरक्षाका साथमा नरेन्द्र खड्का, नवअभिनेता बिराज बिष्ट र प्रकाश कँडेल,रमेश बुढाथोकी,सुशील पोखरेल, लक्ष्मी गिरी, कुलदीप अधिकारी,झलनाथ खत्री, सरस्वती खत्री,उपासना वाइवा,सोनु सेढाइ,धनबहादुर राई,लक्ष्मण देवकोटा,वसन्त परियारले अभिनय गरेका छन् ।
छत्रेश्वरी म्यानेज्मेन्ट प्रालिको ब्यानरमा सौगात कँडेल सहनिर्माता रहेको ‘बुलाकी’ शिव ढकालले खिचेका हुन् । केही समयमै फिल्मको टिजरका साथमा प्रदर्शन मिति सार्वजनिक गरिने जानकारी निर्माता टोपेन्द्रले दिएका छन् ।
