काठमाडौं - ‘हेल्लो जिन्दगी’ फिल्ममा समावेश भएकाे ‘कता कता’ बोलको रोमान्टिक गीत सार्वजनीक गरिएको छ ।
बलिउडका कोरियोग्राफर बिष्णु देवाकाे कोरियोग्राफीमा ‘हेल्लो जिन्दगी’ फिल्ममा समावेश भएकाे ‘कता कता’ बोलको रोमान्टिक गीत बुधबार सार्वजनीक गरिएको हाे।
चैत्र ११ गते (मार्च २५) प्रदर्शन हुने फिल्मको गीतमा प्रताप दास र प्रबिशा अधिकारीको स्वर,एभरेष्ट सूर्य बोहराको शब्द र एलिस कार्कीको संगीत छ ।
बलिउडका कोरियोग्राफर बिष्णु देवाले कोरियोग्राफी गरेको गीतको भिडियोमा अभिनेता विक्रम डि जोशी र अभिनेत्री दीपीका प्रसाईं फिचर छन् । युकेका विभिन्न रमणीय स्थानमा खिचिएको गीतमा प्रेमी जोडीको प्रेमभाव प्रस्तुत गरिएको छ ।
एभरेष्ट सूर्य बोहरा निर्देशीत फिल्ममा विक्रम र दीपीकाका साथमा प्रियंका कार्की,विल्सन विक्रम राई,विक्रान्त बस्नेत, निर्देशक बोहरा स्वयम्,सबिता गुरुङ,सनमकुमार बैराग,बिभिया श्रेष्ठ,जानकी पन्त (जुन),ध्रुव दत्त,कुमुद पन्तलगायतको अभिनय रहेकाे छ ।
सत्य घटनाबाट प्रभावित फिल्मको निर्माता विक्रम डि जोशी र हिराल जोशी हुन् भने कार्यकारी निर्मातामा सृजना जोशी महर्जन अनि सहनिर्मात्रीमा सबिता गुरुङ रहेकी छन् ।
महारानी इन्टरटेन्मेन्ट युके र एभरेष्ट सूर्य बोहरा फिल्मस्सँगको सहकार्यमा बिरञ्जना इन्टरटेन्मेन्टको प्रस्तुति रहेको फिल्ममा डि क्रिएटिभ स्टुडियो,युके र काम्मा इन्टरटेन्मेन्ट,इन्डिया लाइन प्रोड्युसर रहेका छन् ।
निर्देशक बोहरा र जोशीको कथा,निर्देशक बोहरासहित अभिमन्यु निरवीको पटकथा/सम्वाद रहेको फिल्म पुरुषोत्तम प्रधानले खिचेका हुन् ।
राजनराज शिवाकोटी र एलिस कार्कीको संगीत रहेको फिल्मको गीतकार पनि निर्देशक बोहरा स्वयम् हुन् । आरआर फिल्मस्ले वितरण गर्ने फिल्ममा सम्राट बस्नेतको द्धन्द्ध निर्देशन र मित्र डि.गुरुङको सम्पादन रहेकाे छ ।
https://www.youtube.com/watch?v=_il73XfgsvQ
