काठमाडौं– डी.ए.भी सुशील केडिया विश्व भारती विद्यालय तथा कलेजले काठमाडौं उपत्यका लगायत प्रदेश तहका शिक्षा क्षेत्रमा समर्पित महिलालाई सम्मान गरेको छ । ११२ औँ विश्व महिला दीवसको अवसरमा २१६ मनोनित महिलाहरू मध्यबाट शिक्षा क्षेत्रमा उल्लेख्य योगदान पुर्याएका ८४ महिलाहरूलाई डी.ए.भी ले सम्मान गरेको हो ।
कार्यक्रमको प्रमुख अतिथी मानविकी तथा समाजशास्त्र त्रिभुवन विश्व विद्यालयकी डीन. प्रा.डा. कुशुम शाक्य रहेकी थिईन् । उनले डी.ए.भी विद्यालयले शिक्षा क्षेत्रका महिलाहरू खोजी गरि सम्मान गर्नु निजि क्षेत्र कै सह्रानिय कार्य रहेको उल्लेख गरेकी छन् ।
सोही अवसरमा उनले शिक्षा क्षेत्रमा महिलाहरूको उल्लेखनिय सहभागिता देखिनुले नेपाली समाज र लैङ्गिक समानता तिर उन्मुखसमेत रहेको बताईन् । त्यस्तै उनले विश्व महिला दीवस मनाउनुको कारण र त्यसका विभिन्न आयामहरूको चर्चा गरेकी छन् । डी.ए.भी. अध्यक्ष अनिल केडियाले शिक्षा क्षेत्रमा अथक योगदान पुर्याएका महिलाहरूलाई सम्मान गर्दा आफू ज्यादै खुशी भएको बताए ।
कार्यक्रममा प्रथम महिला सुनिता केडिया, प्रमुख अतिथि, कुशुम शाक्य लगायत विद्यालय व्यवस्थापन समितिका सदस्यहरूले सम्मानपत्र प्रदान गरेका छन् । विद्यालयकी प्राचार्य डा. भुवनेश्वरी रावले विद्यालयका अभिभावकहरू आङ्खनो छोरीहरूको व्यक्तित्व विकासका अवसरहरूमा छोराहरू सरह समान हुनुपर्ने धारणा राखिन् । साथै उनले महिलाहरू शिक्षाको माध्यमबाट करौंडौं मानिस जस्तै भविष्यमा सकारात्मक परिवर्तन ल्याएका बिभिन्न तथ्यहरू प्रकाश पारेकी छन् ।
विद्यालयका शिशु, प्राथमिक, निम्न माध्यामिक तथा माध्यामिक तहका विद्यार्थीहरूले महिला दीवस प्रति समर्पित रहि, नाचगान, अभिनय तथा विभिन्न कलाहरू प्रस्तुत गरेका थिए ।
