काठमाडौं - विश्व मृगौला दिवसको उपलक्ष्यमा मृगौला दानको प्रचार हुलाक टिकटबाट गराउन गृह मन्त्रीले स्वास्थ्य मन्त्रालयलाई सुझाव दिएकाे छ । किष्ट शिक्षण अस्पतामा आयोजीत मृगौला दिवसका अवसरमा मृगौला प्रत्यारोपण एवं मृगौला दानको प्रचार प्रसार हुलाक टिकटका माध्यमबाट गर्न गृह मन्त्री द्धारा स्वास्थ्य मन्त्रालयलाई सुझाव दिएकाे हाे ।
नेपाल कला परिषदका ख्याती प्राप्त कलाकारहरुद्धारा सिर्जित कलाकृतिको प्रदर्शनीमा मिति २०७८ साल फाल्गुण ३० गते सोमबारका दिन माननीय गृह मन्त्री बाल कृष्ण खाण ज्यूबाट प्रमुख आतिथ्यता ग्रहण गर्नुका साथै कला प्रदर्शनीको उद्घाटन गरेका हुन् ।
कार्यक्रममा नेपाल कला परिषदका अध्यक्ष बाङ्गमय शताब्दी पुरुष डा सत्य मोहन जोशी, चिकित्सा शिक्षा आयोगका उपाध्यक्ष प्रा डा श्रीकृष्ण गिरी, माननीय सांसद नवराज सिलवाल, स्वास्थ्य तथा जनसंख्या मन्त्रालयका सचिव डा.रोशन पोखरेल, चिकित्सा शास्त्र अध्ययन संस्थानका डीन एवम् राष्ट्रिय मृगौला प्रत्यारोपण समन्वय समितिका अध्यक्ष प्रा डा दिब्या सिंह शाह, प्रा.डा. प्रेम राज ज्ञवाली, प्रा.डा.ऋषि कुमार काफ्ले, महालक्ष्मी नगरपालिकाका प्रमुख रामेश्वर श्रेष्ठ लगायत अन्य बिशिष्ट कर्मचारीहरु र चिकित्सकहरुको उपस्थिति रहेको थियो ।
मन्तब्यका क्रममा गृह मन्त्रीले स्वास्थ्य मन्त्रालय प्रतिनिधि एबम् अन्य चिकित्सक बर्गलाई मृत्यू पश्चात अङ्ग दान दिन सकिने कानून नेपालमा लागू भई सकेको भएता पनि यसलाई अझ प्रभावकारी बनाउन के गर्नु पर्ने हुन्छ नेपाल सरकारलाई सुझाव दिन समेत आब्हान गरेका छन्। स्वास्थ्य सचिव डा.पोखरेलले मृगौला रोगीको उपचार एवं मृगौला प्रत्यारोपणमा उल्लेखनीय प्रगति गरेकोमा खुशी प्रकट गर्दै यस विद्यामा संलग्न चिकित्सक लगायत अन्य कर्मचारीहरुको प्रशंसा गरेका छन् ।
मन्तब्यका क्रममा डीन प्रा डा दीब्या सिंह शाहले नेपालमा वि.सं २०६४ मा पहिलो पटक सफल मृगौला प्रत्यारोपण भएको स्मरण गर्नु हुदै यूरोपका कतिपय देशहरुमा नागरिकले जिवित अवस्थामा नै लिखित रुपमा अङ्गदान गर्न नचाहेको बाहेक कुनै पनि दुर्घटनाका कारण ब्यक्तिको मृत्यू भएमा नीजका उपयोगी अङ्गहरु राष्ट्रको सम्पत्ती हुने र जिवित बिरामीहरुमा प्रयोग गरिने प्रसंग उल्लेख गरेका छन् ।
