काठमाडौं - युवा पुस्तामा लोकप्रिय गायक धुब्र बिस्कोको नयाँ गीत सार्वजनिक भएको छ । ‘पियारी’ बोलको गीतलाई दिया प्रोडक्सन युटुब च्यानलमार्फत बजारमा सार्वजनिक गरिएको हो ।
बजारमा थुप्रै हिट गीत दिन सफल गायक बिस्कोको यस गीतले पनि दर्शक श्रोताको मन जित्ने अपेक्षा गरिएको छ । नेपाली समाजको वास्तविकतालाई प्रस्तुत गरिएको गीतको भिडियोले जो कोहीको पनि ध्यान केन्द्रित गर्दछ ।
नेपालमा बेरोजगारको समस्याको कारणले बाध्यताले प्रदेशिनुको पिडालाई गीतमार्फत देखाउन खोजिएको छ ।
गीतको भिडियोमा नायीका सुरबीना कार्कीले निकै अब्बल प्रस्तुती दिएकी छन् । नायिका कार्कीसँगै भिडियो रमेशचन्द शोडारीको पनि अभिनय देख्न सकिन्छ ।
गायक बिस्को पछिल्लो एक दशक यता सक्रिय एवं लोकप्रिय गायक हुन् । बजारमा आएका काग दाजै,टपरीमा भात, राइफलको सिरानी, व्युटि पार्लर,सिल्की कपाल लगायतका थुप्रै गितहरु उनका हिट नंम्बर मानिन्छन् ।
गीतमा लय,शव्द तथा स्वर गायक बिस्कोकै रहेको छ । महिला आवाजमा उनलाई गायिका सहिमा श्रेष्ठले आफ्नो सुमधुर स्वरमार्फत साथ दिएकी छन् ।
‘पियारी’ गीतको भिडियोलाई सविर श्रेष्ठले निर्देशन गरेका हुन् ईश्वर सिन्केमनाको छायाँकन गरेको भिडियोलाई भुपेन्द्र अधिकारीले सम्पादन गरेका हुन् । कलर रेनिश फागोको छ ।
